web counter
LEXO PA REKLAMA!

SHKARKO APP

App Store
Google Play

E fundit!

x

Majko: Vota në zgjedhjet e fundit kushtoi 50-60 euro

6 Tetor 2016, 13:45, Aktualitet CNA

Deputeti socialist Pandeli Majko ka deklaruar në seancën e Kuvendit se vota është blerë gjithmonë dhe në zgjedhjet e fundit ajo ka kushtuar 50-60 euro.

?Nuk është sekret, në zgjedhjet e fundit një votë ishte 50-60 euro. Ka patur edhe kohë shumë më të vështira. Kishte dhe kur vinin me makina të zeza në 96-97. Ata që janë bërë socialist, a mos kanë qenë me PD. Shprehni keqardhje vetes se i stërvitet për t?i parë kundër. Ju thoni mazhoranca ka bërë krime kushetuese. Gjithshka zhvillohet në rrafshin horizontal. Këta ekspertë kanë ardhur në Shqipëri të bëjnë puç në favor të PS-së? Është e papranueshme të ndodhë kjo?, tha Majko.

Deputeti socialist, Pandeli Majko iu drejtua Partisë Demokratike që t’i kërkojë publikisht ndjesë tropojanëve, për ndërtimin e HEC-ve në Luginën e Valbonës. Majko theksoi se HEC-et i lejoi PD dhe dhanë lejen kryeministri dhe ministrat e qeverisë së djathtë.
“Ne kriminelët i kemi në politikë se nuk kemi gjykatës dhe prokurorë. Ne nuk kemi 3 gjykatës dhe 2 prokurorë. Reforma bën që të mos i votojë parlamenti gjykatësit dhe prokurorët, por jo ne duam t?i zgjedhim vetë. Ne na ka marrë peng sistemi i drejtësisë, jo ne atë.
Ne nuk duhet të çuditemi se pse na vijnë kriminelët. Krimi në Shqipëri fillon nga vjedhja e votës, jam dakord, por mendoni pse nuk kemi gjykatës e prokurorë. Unë jam i gatshëm të besoj se tërhiqeni nga ligjet e plehrave nëse dilni dhe u thoni tropojanëve se ju keni dhënë urdhër për HEC-et në Valbonë, kërkoni ndjesë”, u shpreh Majko.

Më tej Majko ka shpjeguar pse opozita nuk do te votoje ligjet e paketes: ?Arsyetimi pse s?votoni. Ju kërkoni që të ketë pesë të votuar në parlament, ne kërkojmë që avokatia t?i votojë nga dhoma e avokatëve. Ju doni të gjithë të vijnë këtu t?i votojmë ne. Ju doni të manipuloni drejtësinë. Ne kemi refuzuar edhe ish-anëtarë të gjykatës së Strasburgut, i kemi thënë ik s?bën se i kemi parë politikisht. Nuk do të votojmë ne gjykatësit dhe prokurorët. Kemi ecur me llogjikën ne ju zgjedhim ju s?na dënoni deri sot.? /Citynews.al





Lajmet e fundit nga