web counter
LEXO PA REKLAMA!

SHKARKO APP

App Store
Google Play

E fundit!

x

Totozani: Në 51 bashki janë larguar nga puna 3059 punonjës/ Kostoja 11 mln lekë

4 Tetor 2016, 15:16, Aktualitet CNA

Në 51 bashki janë larguar nga puna 3059 punonjës, në kuadër të reformës territorial. Avokati i Popullit ka ngritur shqetësimin për largimet e shumta të punonjësve në bashkitë e vendit, në të shumtën në mënyrë të padrejtë. Përmes një raporti të hartuar pas hyrjes në fuqi të reformës administrative territorialeIgli Totozani nënvizon: ?Në 51 Bashki në vend me struktura tranzitore, janë larguar në total 3059 punonjës, prej të cilëve 319 janë nëpunës civil ose 11% e punonjësve e totalit të punonjësve të larguar. Kjo situatë krijon paqëndrueshmëri për administratën e pushtetit vendor, duke larguar punonjës të trajnuar dhe të specializuar në funksionet e tyre, gjë që ndikon në cilësinë e shërbimeve për qytetarët?, tha Totozani.

Shqetësues përAvokatin e popullit është fakti se pjesa më e madhe e tyre janë larguar padrejtësisht dhe për pasojë kanë fituar gjyqet me bashkitë. Problemi ndiehet  në buxhetin e bashkive.

?Vetëm për Bashkinë Tropojë kostoja e punonjësve të cilët janë larguar nga puna  është në shumën prej 6.000.000 lekë (gjashtë milion lekë) dhe deri në miratimin e strukturave përfundimtare është parashikuar një kosto që mund të arrijë shumën prej 11.000.000 (njëmbëdhjetë milion Lekë), ndërkohë  që  mungojnë të dhëna nga njësitë e tjera të pushtetit vendor?, theksoi Totozani.

Bashkia Fier rezulton me numrin më të lartë të punonjësve të larguar 350 të tillë, e ndjekur nga Bashkia Tiranë me 248 të larguar. Në raport nënvizohet po ashtu se 10 bashki nuk kanë bashkëpunuar me avokatin e popullit për hartimin e raportit. Raporti i Avokatit të Popullit do t?i paraqitet Kuvendit. /Citynews.al

 





Lajmet e fundit nga