web counter
LEXO PA REKLAMA!

SHKARKO APP

App Store
Google Play

Durrës/ Siguria rrugore, 1.521 masa administrative në një javë

4 Tetor 2016, 10:07, Aktualitet CNA

Plani i masave për rritjen e sigurisë në rrugë në qytetin e Durrësit, në bilancin e një jave shënon 1 521 masa administrative. 481 prej tyre për mungesë të rripit të sigurimit.

Specialistët e Sektorit të Policisë Rrugore në Drejtorinë Vendore të Policisë Durrës edhe në javën që lamë pas kanë vijuar zbatimin e planit të masave, me qëllim parandalimin e aksidenteve rrugore dhe rritjen e sigurisë në rrugë.

Pjesa më e madhe e drejtuesve të mjeteve janë këshilluar në respektimin e rregullave të qarkullimit rrugor ku prioritet i është dhënë vendosjes së rripit të sigurimit drejtuesve dhe pasagjerëve në mjet.

Për shkelje të rënda të Kodit Rrugor dhe Kodit Penal janë arrestuar në flagrancë 5 shtetas duke drejtuar mjetet në gjendje të dehur; është arrestuar në flagrancë 1 shtetas duke drejtuar mjetin pa leje drejtimi;

janë pezulluar 88 leje drejtimi për tejkalim shpejtësie, janë vendosur 1 521 masa administrative, nga këto: 481  për mungesë të rripit të sigurimit; 85 për tejkalim shpejtësie dhe parakalim të gabuar; 14  për mungesë të kaskës mbrojtëse; 242  për parkime te gabuara dhe pjesa tjetër për shkelje të ndryshme të normave të Kodit Rrugor. /Citynews.al

 





Lajmet e fundit nga