web counter
LEXO PA REKLAMA!

SHKARKO APP

App Store
Google Play

Vjedhja e Babagjyshëve/ Sajmir Kala, 18 vjet e 3 muaj burg

4 Tetor 2016, 09:38, Aktualitet CNA

Një nga 11 nëtarët e bandës së Babagjyshëve e cila kreu grabitjen në TEG, Sajmir Kala ka përfituar nga gjykimi i shkurtuar duke u dënuar me 18 vjet e 3 muaj burg. Prokuroria e Krimeve të Rënda ka kërkuar 28 vite burg për Sajmir Kalën. Akuza dha sot pretencën për Kalën, i cili akuzohet për dy grabitje me armë në Tiranë dhe Dibër.

Banda e Babagjyshëve drejtohej nga Ilir Kupa. Prokuroria e Krimeve të Rënda më herët ka dhënë pretencën për 6 anëtarë të tjerë të bandës, mes tyre dhe kreun e saj Ilir Kupa, duke kërkuar në total 175 vite burg.

Mbi këtë grup personash rëndojnë akuza për 13 episode kriminale të vjedhjeve, kryesisht argjendari të kryera në Shqipëri, por dhe në Maqedoni. Ata përdornin maska, doreza dhe veshje me mbishkrimin policia.

Prokuroria për Krime të Rënda, në përfundim të procesit gjyqësor për pjesën e parë të grupit, kërkoi dënimet: Ilir Kupa 35 vjet burg, Enea Qerushi 30 vjet burg, Hajdar Sefa 30 vjet burg, Mark Shpendi 30 vjet burg. Edmond Selala 15 vjet burg, Agustin Sula 35 vjet burg. Për personin e fundit për shkak të pozitës së bashkëpunëtorit të drejtësisë, Prokuroria kërkoi për këtë të pandehur dënimin përfundimtar me 9 vjet burg. /Citynews.al





Lajmet e fundit nga