Klodiana Shala: Të strehohet familja e Arditit/ Familjarët: Duam drejtësi, Veliaj nuk erdhi për ngushëllim

29 Gusht 2016, 11:59, Aktualitet CNA

Këshilltarja e PD-së në Bashkinë e Tiranës Klodiana Shala gjatë aksionit qytetar të organizuar nga Partia Demokratike deklaroi se partia që ajo përfaqëson në këshillin bashkiak do të bëjë të pamundurën që familja e Arditit të strehohet dhe të dalë nga kthetrat e varfërisë.

?Sot jemi mbledhur këtu për Arditin dhe ai përfaqëson të gjithë ata që ndihmojnë familjen dhe punojnë për bukën e gojës. Si këshilltare e Partisë Demokratike ne do të bëjmë detyrën tonë. Lufta jonë nuk do ndalet derisa familja e Arditit që u zhyt në kthetrat e vdekjes të mos jetojë në kthetrat e varfërisë. Ne do të kërkojmë që të mundësohet strehimi i familjes së Arditit dhe që vëllait të tij ti mundësohet një bursë. Bashkia e Tiranës është përgjegjëse për këtë që ka ndodhur?, deklaroi Klodiana Shalla,.

Nga ana tjetër Ardinan Gjoklaj, vëllai i Arditit kërkoi që drejtësia të vihej në vend për të vëllanë që tani nuk jeton më.

?Unë dua drejtësinë e vëllait tim. Edhe unë kam qënë në landfillin e Sharrës. Kam punuar dy muaj atje. Në Landfill punohej pa siguracion, pa veshje, pa maska dhe pa asgjë mbrojtëse. Unë dua drejtësinë e vëllait tim sepse e kanë masarkuar dhe pastaj e fshehën për të mos treguar?, u shpreh ai.

Vuksan Gjoklaj, xhaxhai i Arditit ndiehet I ofenduar nga reagimi I kryetarit të bashkisës së Tiranës Erion Veliaj, I cili sipas tij spekulon në media dhe nuk e ka respektuar familjen e tyre as për ngushëllim.

?Mora vesh nga media që para Bashkisë së Tiranës do ishte ky tubim i madh. Kam ardhur ti bëj një thirrje qytetarit të parë të Tiranës si familjar, edhe si shqiptar. Të mos mundohet askush që të përgënjehstrojë këtë rast që na ka ndodhur, ne me 5 vrasje në familje. Mirë që na kanë vrarë djalin, por edhe kanë mbuluar krimin. I kërkoj atij që të përdorë levat shpirtërore, shoqërore, njerëzore, edhe ligjore dhe të zbardhin çështjen, dhe të mos mohohet ngjarja. Çdo gjë e Arditit ndodhet në landfill edhe sot. Fatkeqësia ka qënë e jona dhe i kam kërkuar Erion Veliajt përmes medias dhe i them prapë, të vijë në familje siç më kanë ardhur mijëra shqiptarë nga çdo anë dhe më kanë thënë: të rroni vetë, dhe këtë ta thotë edhe kryetari i familjes së madhe të Tiranës, por jo të spekulojë që jo ka qënë dhe jo ska qënë Arditit në punë se unë kam lëvizur me përgjegjësin dhe drejtorin e ndërmarrjes duke e kërkuar. Kjo gjë na rëndon shumë. Eshtë gjynah se ishte 17 vjeçar, duke punuar për të blerë libra?, tha Vuksan Gjoklaj, xhaxhai i Arditit. /Citynews.al