web counter
LEXO PA REKLAMA!

SHKARKO APP

App Store
Google Play

Erdogan shpall gjendjen e jashtëzakonshme në Turqi

21 Korrik 2016, 08:01, Aktualitet CNA

Presidenti i Turqisë, Recep Tayyip Erdogan deklaroi dje, pas mbledhjes së Këshillit të Sigurisë dhe Këshillit të Ministrave, se është vendosur për shpalljen e gjendjes së jashtëzakonshme për një periudhë tremujore duke u bazuar në nenin 120 të Kushtetutës së Turqisë.

?Avionët, tanket, helikopterët dhe armët e puçistëve nuk kanë mundur që të bëjnë gjë kundër fuqisë dhe vullnetit të popullit. Ata i kanë dalë për zot demokracisë dhe të ardhmes së fëmijëve të tyre duke qëndruar gjatë gjithë natës në shërbimin e mbrojtjes së demokracisë?, deklaroi Erdogan.

?Nuk gjej fjalë për të shpjeguar trimërinë e popullit tim që edhe pse avionët ushtarakë dhe helikopterët ishin mbi kokat e tyre dhe gjuajtën me artileri të rëndë, ata qëndruan në rrugë dhe sheshe, madje i mbushën edhe më shumë. Emri i çdo qytetari që bashkohet me turmën që nga dita e tentativës për grusht shteti deri më sot për të mbrojtur demokracinë, do të shkruhet me shkronja të arta në faqet e historisë së kësaj republike?, ka shtuar ai në vijim të fjalës së tij.

?Gjendja e jashtëzakonshme është shpallur për të mirën e demokracisë, shtetit të së drejtës dhe për të zhdukur kërcënimin kundër lirisë dhe të drejtës së qytetarëve, si dhe për të hedhur hapat e nevojshëm sa më të shpejtë dhe efektiv në këtë drejtim?, theksoi ai.

?Humbëm 246 njerëz dhe janë plagosur 1 536 qytetarë të tjerë?, tha Erdogan dhe më pas theksoi se shpallja e gjendjes së jashtëzakonshme nuk është aspak kundër lirisë dhe të drejtave të njeriut./





Lajmet e fundit nga