web counter
LEXO PA REKLAMA!

SHKARKO APP

App Store
Google Play

Durrës, rruga pranë kishës merr emrin e Fan Nolit

9 Mars 2015, 20:31, Aktualitet CNA

Rruga pranë Kishës Ortodokse në Durrës ka marrë emrin ?Imzot Fan S. Noli? gjatë një ceremonie të veçantë përkujtimore. Me këtë rast, në kishën e Apostull Pavlit dhe Shën Astit u zhvillua mesha e cila u drejtua nga hirësi Nikolla, peshkop i Apolonisë, dhe më pas u zbulua pllakata me emrin e Fan Nolit.

Pas kërkesës së qytetarëve durrsakë që gjeti dhe mbështetjen e kishës ortodokse, Bashkia dhe Këshilli Bashkiak vendosën që rruga të mbajë emrin e patriotit të madh Fan Noli. ?Ishte një propozim i Kishës dhe i disa qytetarëve, të cilët i propozuan Bashkisë vendosjen e emrit të Fan Nolit kësaj rruge. Ishte një dëshirë e përbashkët e të gjithëve për t?i dhënë kësaj rruge shumë të rëndësishme emrin e një figure të tillë?, tha Vangjush Dako, kreu i Bashkisë së Durrësit.

Më 8 mars 1908, në moshën 26-vjeçare, kleriku dhe patrioti i madh shqiptar Fan Stilian Noli u dorëzua prift dhe në 22 mars të po atij viti kreu meshën e parë në gjuhën shqipe. Nderimi i kësaj figure emblematike në historinë e popullit shqiptar, që ishte edhe mitropolit i Durrësit, vjen edhe në 50-vjetorin e ndarjes së tij nga jeta, më 13 mars 1965.





Lajmet e fundit nga