web counter
LEXO PA REKLAMA!

SHKARKO APP

Çështja ‘Doshi’, Agim Rama dëshmon në Prokurori, nesër radha e Dritan Priftit

9 Mars 2015, 19:24, Aktualitet CNA

Kunati i ish-kryeministrit, Sali Berisha, Agim Ramaka dëshmuar gjatë mbrëmjes në Prokurorinë e Krimeve të Rënda në lidhje me çështjen ?Doshi?. Emri i tij është lakuar nga deputeti Spartak Braho e më pas nga kryeparlamentari Meta si personi që organizoi vrasjen. Ndërsa pas publikimit të videos nga Tom Doshi ku atentatori Durim Bami i rrëfente komplotin e vrasjes, edhe ministri i Brendshëm, Saimir Tahiri tha se organizatorë të atentatit të pretenduar, ishin Agim Rama kunati i ish-kryeministrit Berisha, Agron Kuliçaj ish-nëndrejtori i Policisë së Shtetit, Eugen Beci i transferuar nga drejtues i Prokurorisë së Krimeve të Rënda në Prokurorinë e Elbasanit, Ymer Lala dhe Ylli Xhaxhollari, pronari i lokalit ?Viva? në zonën e ish-bllokut, ku pretendohet se i ndaluari Durim Bami ka marrë porosinë për vrasjen.

Ndërkaq mësohet se për të dhënë dëshmi në lidhje me çështjen Doshi do të shkojë nesër në orën 09:00 edhe Dritan Prifti, i cili në një deklaratë të bërë publike për mediat deklaroi se Doshi i kishte treguar për atentatin dhe se ky i fundit e kishte këshilluar të mos e publikonte videon.

 





Lajmet e fundit nga