web counter
LEXO PA REKLAMA!

SHKARKO APP

Samiti BE/Mbrojtje vendeve ish-sovjetike përballë Rusisë

6 Mars 2015, 13:44, Aktualitet CNA

Ministrat e Jashtëm të BE-së, janë takuar në kryeqytetin e Letonisë, Riga e kriza në Ukrainë pritet të dominojë axhendën. Letonia dhe fqinjet e saj balltike, Estonia dhe Lituania kanë ngritur zërin me shqetësim për atë që e shohin si sjellje agresive në rritje nga ana e Rusisë.

Lituania ka rifutur në fuqi thirrjen në Ushtri të civilëve dhe Estonia ka akuzuar Moskën se ka gisht në sulmet kibernetike ndaj saj.

Shtetet balltike druhen se NATO dhe BE po lëvizin ngadalë për të përballuar veprimet që vijnë nga Rusia.
Samiti vjen në një kohë që vendet e NATO kanë shtuar praninë e tyre ushtarake në shtetet balltike, me disa stërvitje ushtarake dhe trajnime në Lituani në javët e fundit.
Korrespondentët shtojnë se samiti është një shfaqje e dukshme e forcës dhe një akt uniteti kundër çdo kërcënimi që mund të vijë nga Rusia për shtetet ish-sovjetike.





Lajmet e fundit nga