web counter
LEXO PA REKLAMA!

SHKARKO APP

App Store
Google Play

Listat e zgjedhjeve, 3.4 milionë votues dhe 4 mijë dublime

6 Mars 2015, 09:37, Aktualitet CNA

Rreth 3.4 milionë qytetarë do të kenë të drejtën e pjesëmarrjes në zgjedhjet vendore të 21 qershorit 2015, sipas listës së dytë të zgjedhësve. Kjo u deklarua nga drejtori i Përgjithshëm i Gjendjes Civile, Bledar Doracaj, i cili ndër të tjera u shpreh se gjatë verifikimeve ka pasur rreth 4 mijë dublime.

?Paralelisht janë monitoruar dhe tërhequr vëmendja e zyrave të Gjendjes Civile për qendrat e votimit jashtë limiteve dhe është realizuar pastrimi i dublimeve të konfirmuara. Numri i përgjithshëm i zgjedhësve në ekstraktin e dytë të listës së zgjedhësve, të publikuar në datë 14 shkurt, është 3. 367. 075 persona. Në ekstraktin e 14 shkurtit 2015, numri i dublimeve është 49% më pak, krahasuar me listën përfundimtare të zgjedhësve, në procesin e 23 qershorit 2013. Saktësisht janë rreth 3.900 dublime në lista dhe po vijon puna për të minimizuar këtë numër, deri në publikimin e listës përfundimtare zgjedhore?, tha ai për mediat.

Kreu i Gjendjes Civile në vend tha ndër të tjera se lista e dytë zgjedhore është shpërndarë nëpër qarqe. Ai u shpreh se numri i zgjedhësve me numrin e banesës jo të saktë është zbritur me 35 mijë, krahasuar me zgjedhjet e fundit të 23 qershorit 2013. Aktualisht janë rreth 313. 895 shtetas në proces verifikimi dhe korrigjimi nga zyrat e Gjendjes Civile.





Lajmet e fundit nga