web counter
LEXO PA REKLAMA!

SHKARKO APP

App Store
Google Play

E fundit!

x

10 drone fluturojnë mbi Paris, shtohen pistat e Policisë

4 Mars 2015, 10:18, Aktualitet CNA

Dhjetë drone të tjerë janë pikasur duke fluturuar në Paris dhe ka raportime se policia po kërkon për katër persona të cilët i ka ndjekur në lindje të qytetit. Dronat më të fundit u panë në afërsi të kullës Eifel dhe në disa zona më larg qendrës. Rreth 60 drona janë pikasur që nga muaji tetor sipër instalacioneve bërthamore dhe qendrës së Parisit e monumenteve të saj.
Ndërsa më herët, katër gazetarë të al Xhazirës u ndaluan dhe u gjobitën se kishin nisur katër drone sipër qendrës së kryeqytetit francez, në fluturime gjatë natës, që nuk lejohen me ligj, tashmë drone të tjera duket se janë bërë problem për policinë. Kjo e fundit është në alarm pas sulmeve terroriste të janarit ku u vranë 17 persona.
Siguria është e lartë në Paris, ndërsa fluturimi i avionëve të vegjël pa pilot është e ndaluar pa një licencë përkatëse dhe në mënyrë kategorike gjatë natës.
Në janar, dronat u panë sipër pallatit Elize ku jeton edhe presidenti Francois Hollande, ndërsa javën e kaluar në afërsi të ambasadës amerikane.
Policia është vënë në ndjekje të shkelësve të ligjit, por nuk ka arritur t?i kapë për shkak se ndjekja e dronit është ngadalësuar nga trafiku. Autoritetet nuk janë në gjendje të thonë se kush fshihet pas fluturimit të dronave.
Incidentet e tetorit të kaluar mbi centralet bërthamore u ngarkuan mbi ambjentalistët, por askush deri më tani nuk ka marrë përsipër fluturimin e dronave mbi Paris.





Lajmet e fundit nga