web counter
LEXO PA REKLAMA!

SHKARKO APP

App Store
Google Play

Kush është vrasësi që akuzon Tom Doshi?

2 Mars 2015, 14:30, Aktualitet CNA

Deputeti socialist Tom Doshi tha publikisht se Ilir Meta ka urdhëruar vrasjen e tij. Ai në fakt këtë akuzë e shoqëroi edhe me lidhjen e këtij rasti me një tjetër deputet të parlamentit Mhill Fufin, përfaqësues I PD-së. Sipas Doshit personi që është urdhëruar për ti ekzekutuar është i njëjtë dhe është takuar edhe me Ministrin e Brendshëm Saimir Tahiri.

Në fakt ka një ngjarje që lidhet më zgjedhjet e 23 qershorit, ku gjatë përocesit zgjedhor ka pasur një viktime në Lac, zonë nga ku ka dalë deputet z. Fufi. Mediat raportuan se viktima ishte një njeri i strukturave të LSi dhe ishte vrarë nga mbështetës të PD-së. Në vendngjaje shkuan Rama dhe Meta, në fakt haruan ngjarjen dhe folen për fitore mbi 78 deputetë. Këtu mund të ketë një lidhje të Ilir Metës i cili në atë kohe kandidonte bashkëshorten e tij në këtë zonë elektorale.

Në qarqet mediatike është përfolur shumë  për lidhjet e politikës me krimin, por së  fundi ish-kryeministri Berisha ka akuzuar ashpër Saimir Tahirin për lidhjet dhe takime me Emiljano Shullazin, Berisha e quante Emil Tahiri. Në fakt Shullazi është një tjetër personazh i kronikës të zezë që raportohet nga gazetarët në teren dhe shumë i përfolur për ngjarje të ndryshme në kryeqytet.

Tom Doshi tha se personi që do i ekzekutonte të dy është i njejti, por ai nuk vuri emër por theksoi se Prokurori i Përgjithshëm ishte në dijeni. Ende nuk ka një emër konkret, mungon dhe qëndrimi publik i opozitës që do të bënte më të qartë tablone. Pra, që vrasësi ka lidhje me ngjarjen ne Lac apo është personi që ka akuzuar Berisha në parlament dhe që opozita e akuzoi si kërcenues edhe të kreut demokrat Lulzim Basha.





Lajmet e fundit nga