Ku ka humbur MIU I BODRUMEVE të PD-së, Florian Xhuti?

1 Mars 2015, 13:15, Aktualitet CNA

Një emër që ndoshta nuk duhet përmendur fare për cfarë është dhe cfarë përfaqëson, por një njeri që mori jo pak pushtet menjëherë sapo filloi punë si specialist organizimi në PD.

Në kohën kur kjo strukturë drejtohej nga Flamur Noka, specialisti i organizimit ose i quajtur publikisht nga Astrit Patozi: MIU I BODRUMEVE TË PD, që quhet Florian Xhuti, ishte punëtor letrash në parti. Ngadalë filloi e ngriti krye.

Menjëherë sapo filluan zgjedhjet në PD me garën për kryetar. Miu i bodrumeve vihet në shërbim dhe pasojat dihen. Mijëra demokratë nuk figuronin në listat e votimit, fletët me numër sërie, procesi me përplasje, Miu shkon në Korcë së bashku më një tjetër klloun partie. Debate dhe përplasje kudo. Miu i bën qokën Lulzim Bashës, i cili mer PD-në me gati 80% të votave, të cilat në fakt ishin njësoj sikur të garonte Berisha. Pra kandidati ishte Sali Berisha manipulatori Florian Xhuti. Por kjo ka pak rendësi tashmë sepse i përket të shkuarës jo të largët.

Më tej vijnë zgjedhjet brenda PD-së. Kandidatë në degë që mbështeteshin nga Miu i bodrumeve, emra që hiqeshin nga miu i bodrumeve, kuptohet me dhe pa urdhër, rasti i Pogradecit është më domethënësi. Miu dhe Fahri Balliu, ky i dyti tashme i ditur publikisht si ish bashkepunetor i sigurimit te shtetit, hoqën një kandidat nga gara, më pas ai vendoset nga Basha në votim dhe sot është kryetari i degës. As Miu dhe as Fahriu, nuk bënë dot gjë në këtë rast.

Por të tjera histori vijnë gjatë kësaj kohe, përfolje në strukturat e PD-së se Miu kërkonte lekë për të mbështetur kandidatin x apo y. Kishte gjetur edhe një zgjidhje tjetër, shfaqej në krah të Bashës në takimet e degëve, shumë garues gënjehen dhe mashtrohen nga ai. Por masakra më e madhe ishte ajo që bëntë me listat e delegatëve. Shtonte sipas qejfit emra nga FRPD dhe LDG, apo më keq akoma hiqte votues dhe kandidatë ku me dhe ku pa urdhër. Pati dhe akuza se përfitonte para nga candidatë të caktuar

Vijnë zgjedhjet për Këshillin Kombëtar, mblidhet kuvendi, procesin e votimit e drejton Miu i Bodrumeve, edhe kandidat edhe ruajtës votash që në fakt nga roje u kthye në hajdut dhe manipulator. Vetë voton, vetë numëron dhe në fund lista e Këshillit Kombëtar, të nxjerë sipas votimit në orën 8.30 pëson ndryshim në mesditë, edhe një dorë tjetër pasdite. Basha ikën në Bruksel, Xhuti ndryshimet i bën në Bashkinë e Tiranës së bashku me shefen e kabinetit të z. Basha. Një dorë kuptohet i ka dhënë ne fund edhe z. Berisha dhe lista shpallet 70% e ndryshuar në orën 20.00.

Miu i bodrumeve ka bërë qokën e rradhës. Pret shpërblimin kërkon Sekretar Organizativ. Ha një shpullë suratit dhe emri i hiqet farë nga gara, Basha nuk e kandidon në asnjë strukturë. Askush nuk po kuptonte cfarë po ndodhte. Ishte Basha apo vetë Berisha që dikur Xhuti e quante ?malok të cmendur që kishte shkatëruar të djathtën?, kohe kur Xhuti punonte me Shpëtim Roqin dhe PD sapo kishte dale në opozitë në ?97. Xhuti e Co sulmonin pa fre PD dhe Berishën si zjarrvënës të Shqipërisë, më pas kapërceu ylberin dhe bëri gjithcka të ishtë punonjës në PD, për të kapur një post më vonë. Nuk mundi kurrë pasi të gjithë e njihnin Miun e vërtetë të bodrumeve.

Kohët e fundit miu i bodrumeve nuk shfaqet më në sektorin e organizimit. Prej më shumë se një muaj e gjysëm ai parkon makinën në obor dhe largohet. Në selinë blu përflitet shumë për këtë mi që dje manipulonte lista votuesish, kandidatë, keshillin kombetar dhe gjithcka që mundte. Tani miu ka mbetur i braktisur. Po ka jo pak argumenta dhe akuza ndaj tij. Së pari përflitet se mbante komntakte me eksponentë të së majtës, drejtues kryesorë të saj ku raportonte mbi aktivitetin organizativ të PD. Së dyti përflitet për një debat me Lulzim Bashën pasi Xhuti ka folur dhe premtuar në emër të kryetarit të PD. Një tjetër argument që vjen nga ambientet e PD-së është fakti se Basha mund të jetë informuar për afera korruptive të Xhutit. Nga ana tjetër dikush përflet një qejf mbetje të tij për shërbimet e bëra dhe mos marrjen e asnjë posti në parti. Të gjitha keto fakte dhe argumenta janë ende në pjesën e debateve brenda opozitës. Por e vërteta është që MIU I BODRUMEVE, FLORIAN XHUTI, tani është zbythur nga PD dhe kuptohet po ecën i vetmuar në kanalet ku ecin minjtë. Shpresojmë mos e hajë macja, dhe as që ky shkrim ti shërbejë për tu rikthyer në bodrum.