E fundit!

12:23 Aktualitet

Ja kush e merr drejtimin e Policisë së Vlorës

Edvin Ndreu, i renditur me 84 pikë në garën për drejtoritë...

Ja pse po vonohen drejtuesit e PD për 29 njësi vendore

1 Mars 2015, 12:20, Aktualitet CNA

Partia Demokratike po kalon jo pa debate dhe përplasje emerimin e kryetarëve të grupe të punës në 61 njësitë vendore të vendit. Burime zyrtare thanë për cityfm.al se ka disa kontestime por edhe reagime nga baza. Në anëën tjetër ka disa të emëruar që nuk janë shprehur dakord për zonën e caktuar.

Provokim apo gabim, si mund të quhet rasti kur con Arben Imamin në Shkodër? Një intelektual dhe politikan karriere, por që në strukturat e PD nuk pranohet asgjëkundi. Me zor, me të shtyrë dikur në Elbasan, pak kohë por pa asnjë rezultat. Arben Imami në Shkodër është njësoj si tju cosh Kastriot Islamin në Tropojë. Pra në zona ekstremisht të djathta dhe specifikisht Shkodra për historinë ë saj nuk mund të provokohej me Imamin. Mesohet se dhe vetë ky i fundit nuk ka dashur të shkojë në Shkodër dhe pritet të ketë ndryshime.

Një rast tjetër është edhe Enkelejd Alibeaj, ndoshta I fryrë më shumë sesa duhet ai ka bërë një tërheqje nga PD duke refuzuar dy njësite Tepelenë dhe Memaliaj. Ai ka refuzuar të shkojë të punojë si i deleguar., tani Basha do detyrohet të cojë dikë tjetër në këto dy njësi. Alibeaj duket se ende është me minatin e humbjes për Sekretar i Përgjithshëm. Një pozicion që ai e pretendoi fort por në një garë të hapur humbi denjësisht, por kjo humbje nuk po gëlltitet prej tij.

Një levizje tjetër që ka sjellë jo pak problem është largimi i Edmond Spahos, nënkryetarit të PD nga zona e fushës të Korcës ku u krijua njësia administrative Maliq. Spaho prej tetë vitesh në këtë zonë si deputet, rrëshket edhe njëherë duke luajtur brenda strukturave të PD-së. Ai braktis zonën dhe ikën në Durrës ku nuk ka asnjë lidhje, njohje apo reputacion politik me bazën. Braktis një zonë ku i gëzon këto të gjitha, e braktis thjesht sepse e ndjen që Bashkia Maliq mund të hetë një humbje të thellë, kjo per faj te tij dhe askujt tjeter, kuptohet mjeshtërisht nuk do humbje fatale dhe kosto mbi supe, eshte mjeshter I shmangies nga te tilla problem, mbijeton thjesht duke qenë plastelinë mjeshterore.

Astrit Veliaj, deputet ne Berat ka refuzuar te drejtoje Uren Vajgurore, nje tjeter zone e ngelur bosh dhe e refuzuar.

Elbasani është një zonë ende pa të deleguar nga PD. Ish ministri i Financave Ridvan Bode është emri që u diskutua nga vetë Basha, por largimi i Imamit nga Shkodra ka vënë në pikpyetje Boden në Elbasan. Kjo për një fakt të thjeshtë Imami nuk mund të shkojë në Tepelenë ku kërkonte kokën e Sali Berishës në ?97.

Nderkohe Enno Bozdo eshte riemeruar ne Korce dhe Flamur Noka ne Kukes, Mesila Doda pritet te jete ne Tirane

Pra jane pikerisht keto debate dhe kipyetje qe kane sjelle shtyrjen. Ndërkohë burime zyrtare nga PD thanë për cityfm.al se Brenda kësaj jave pritet të shpallen të gjithë emrat dhe të plotësohet cdo njësi administrative më një grup punë dhe një drejtues. Shkaku i shtyrjes kanë qenë jo vetëm kundërshtitë apo dorheqjet, plotësimi i tyre, gjetja e një zgjidhjeje sa më të pranueshme për cdo njësi. Grupet e punës do përfshijnë jo vetëm deputetë por edhe antarë të keshillit kombëtar, ish-drejtues të PD por edhe personalitete të fushave të ndryshme me reputacion në zonat përkatëse.