web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Kukësi regjistron fitoren e tretë radhazi, mposht Erzenin dhe afrohet me kreun

17 Tetor 2022, 16:55, Sport CNA

VIDEO/ Kukësi regjistron fitoren e tretë radhazi, mposht Erzenin dhe

Kukësi vazhdon me formën e mirë në kampionat, teksa ka regjistruar fitoren e tretë radhazi.

Verilindorët kanë mposhtur ditën e sotme Erzenin me rezultatin 2-0. Në “Niko Dovana”, u zhvillua një ndeshje spektakolare nga të dyja ekipet, ku rastet nuk munguan.

Përveç dy golave të shënuar, u godit edhe shtylla tre herë, dy herë nga Kukësi dhe një herë nga Erzeni.

Sa i përket golave, ishin Basa në minutën e 17-të dhe Gabriel Barbosa në minutën 68-të, të cilët shënuan dhe i japin 3 pikë të arta verilindorëve.

Kukësi ngjitet kështu në vendin e katërt në renditje me 11 pikë, 1 më pak se Erzeni i vendit të tretë.

ERZENI-KUKËSI 0-2
17′ Basha, 68′ Gabriel Barbosa

KOMENTI LIVE:

90’ Jepen 5 minuta shtesë.

88’ Zivkoviç dhe Dragoshi marrin vendin e Berishës dhe Gabriel Barbosës.

87’ Kuksianët kërkojnë penallti pas një prekje topi me dorë në zonë, por gjyqtari bën shenjë që loja të vazhdojë.

81’ Tafas bën heroin teksa devijon topin në traversën e portës së tij, pas “predhës” së Kahrimanoviç drejt portës.


80’ Kahrimanoviç ekzekuton një goditje dënimi nga një pozicion interesant ballor duke tentuar portën, Tafas përgjigjet me një grushtim duke larguar sferën.


78’ Gjuajtje e fortë e Ndrecës nga e majta, topi përfundon në rrjetën e jashtme në të djathtë të Xhikës.


76’ Maloku dhe Kriviçiç marrin vendet e Alan dhe Ademit në radhët e Erzenit.

73’ Edhe Ademi i shtohet listës së gjatë të lojtarëve të ndëshkuar me karton të verdhë në këtë duel.

68’ GOOOL KUKËSI! Traversa fillimisht shpëton skuadrën shijakase pas gjuajtjes së devijuar të Ndrecws por më pas është Meksi i cili harkon në zonë dhe aty Gabriel Barbosa me kokë çon sferën në rrjetë. 0-2


66’ Basha dhe Gj. Taipi largohen nga fusha, duke i bërë vend Moraesh dhe Meksit.

66’ Tiub merr vendin e Iljazit në fushë në radhët e Erzenit.

63’ Vazhdojnë tentativat e Erzenit me tre goditje standarte të harkuara në zonë, por mbrojtja e Kukësit dhe Tafas largojnë rrezikun.

60’ Sh. Taipi i lë vendin në fushe El Id në radhët e Kukësit.

58’ Gjuajtje e fortë e Alan nga jashtë zonës, shënjestra është plotësisht e gabuar.

55’ Një tjetër moment i diskutueshëm sjell polemika. Ademi niset drejt zonës dhe rrëzohet pas një kontakti me Haxhiun. Shijakasit kërkojnë karton të kuq por gjyqtari jep faull në favor të Kukësit.


52’ Dueli vazhdon me faulle të shumta dhe ndërprerje të vazhdueshme të lojës.

48’ Dy harkime radhazi pas goditjeve të dënimit, grushtohen nga Tafas i cili ai del të largojë rrezikun nga zona e tij pa i lejuar sulmuesve kundërshtarë të sulmojnë.

47’ Ndëshkohet menjëherë me karton të verdhë Gj. Taipi për një faull ndaj Kadriut i cili po shpërthente në krahun e djathtë.

46’ Nis pjesa e dytë pa ndryshime mes skuadrave.

45’+3’ Mbyllet pjesa e parë më avantazhin 1-0 të e Kukësit.

45’+2’ Ndreca ndëshkohet me karton të verdhë pas një ndërhyrje ndaj Nonatos i cili po hynte në zonë në krahun e djathtë.


45’ Jepen 2 minuta shtesë.

42’ Të dy ekipet mundohen të krijojnë por nuk kanë qartësi në pasimin e fundit, me futbollistët të cilët shpesh përpiqen të zgjidhin gjithçka në mënyrë individuale.

38’ Tensionohet ndeshja me përplasje mes lojtarëve të të dy skuadrave. Vetë gjyqtari Alla detyrohet të mbajë Shqiprim Taipin i cili po u kundërvihej futbollistëve shijakas. Në fund mesfushori përfundon i ndëshkuar me karton të verdhë.


34’ Basha ia del të shpërthejë përsëri në krahun e djathtë dhe ka hapësirë për të gjuajtur. Goditja e tij mposht Xhikën por ndalet nga shtylla dhe sfera përfundon më pas jashtë.


27’ Situata zhvendoset në anën tjetër ku Nonato pason për Kahrimanoviç i cili gjuan me forcë por gjen bllokimin e Ebert para portës. Përsëri ka pretendime për penalti dhe përsëri gjyqtari lejon lojën të vazhdojë.


26’ Ndreca mundohet të depërtojë në krahun e majtë dhe harkon në zonë, sfera devijohet dhe shkon në duart e Xhikës. Kuksianët pretendojnë penallti, por gjyqtari bën shenjë që loja të vazhdojë,


17’ GOOOL KUKËSI! Pas një harkimi të Ndrecës nga e majta, topi shkon te Basha i cili gjuan dhe dërgon topin në rrjetë.


15’ Tani janë kuksianët të cilët marrin nën kontroll lojën, por ritmi është pak më i ulët se fillimi i vrullshëm ku ekipet kërkonin golin e shpejtë.

11’ Bytyqi ndëshkohet me karton të verdhë pas një faulli ndaj Kahrimanoviç.

8’ Alan provon të majtën e tij me një gjuajtje nga distanca por topi shkon në duart e Tafas.

6’ Shumë agresivë që në start shijakasit të cilët mundohen të mbajnë lojën në gjysëmfushën e Kukësit dhe të krijojnë raste me iniciativat nga krahët.

3’ Rimal Haxhiu ka menjëherë mundësinë për të shënuar teksa lëshon një gjuajtje të fortë nga e djathta, topi përfundon në rrjetën e jashtme të portës së shijakasve.


1’ Nis ndeshja në “Niko Dovana”.





Lajmet e fundit nga