web counter
LEXO PA REKLAMA!

SHKARKO APP

App Store
Google Play

U zgjodh zv.president i UEFA-s/ Armand Duka: Ndodhi natyrshëm, të vlerësojnë për kontributet

8 Tetor 2023, 12:11, Sport CNA
U zgjodh zv.president i UEFA-s/ Armand Duka: Ndodhi natyrshëm, të
Presidenti i Federatës Shqiptare të Futbollit, Armand Duka

Presidenti i Federatës Shqiptare të Futbollit, Armand Duka, ishte i ftuar në emisionin “Më lër të flas”.

Ai foli lidhur me zgjedhjen e tij si president i UEFA-s.

Duka tha se gjithçka ndodhi natyrshëm. Sipas tij për të qenë në këtë pozicion duhet të kesh disa kontribute dhe për këtë të vlerësojnë.

 “Zgjedhja ime zëvendëspresident i UEFA-s, ndodhi siç ndodh natyrshëm. Kam shumë kohë në futboll, shumë kohë anëtar i UEFA-s dhe një nga anëtarët duhet të bëhej vëvendëspresident dhe këtë herë ishte radha ime. Gjithçka është me zgjedhje në Komitetin Ekzekutiv, me votim dhe normalisht duhet të kesh edhe disa kontribute dhe për këtë të vlerësojnë”, tha ai.

Sa i përket marrëdhënies me presidentin e UEFA-s Duka thotë se janë shumë të mira.

“Në fakt, kam marrëdhënie të mira me të gjithë presidentët e federatave evropiane, kam marrëdhënie shumë korrekte, jo vetëm unë, por e gjithë Federata kemi marrëdhënie shumë korrekte me të gjithë. Marrëdhënie miqësore kam padyshim me ata që flasim të njëjtën gjuhë dhe kemi të njëjtën kombësi, me Presidentin e Federatës së Kosovës, Agim Ademi dhe Presidentin e Federatës së Maqedonisë së Veriut, i cili edhe ai është shqiptar Muamed Sejdini. Më shumë miqësi me ta sepse flasim të njëjtën gjuhë”, u shpreh Duka./ CNA





Lajmet e fundit nga