web counter
LEXO PA REKLAMA!

SHKARKO APP

App Store
Google Play

Takaj qetëson tifozët e Skënderbeut: Kini besim te projekti im

29 Korrik 2022, 09:21, Sport CNA
Takaj qetëson tifozët e Skënderbeut: Kini besim te projekti im
Ardjan Takaj

Pavarësisht largimeve të shumta të futbollistëve, ambiciet e Skënderbeut mbeten të mëdha edhe në Kategorinë e Parë. Edhe pse ekipi ka zbritur në një nivel tjetër nga elita e futbollit shqiptar, e sigurt është se investimet në këtë klub do të vazhdojnë.

Për momentin ekipi duket disi i boshatisur, por presidenti Takaj tashmë e ka planin e detajuar dhe të qartë. Ky Skënderbe i këtij sezoni, sipas Takajt, është më i shtrenjtë se ai i një viti më parë, kur ekipi luante në Kategorinë Superiore. Një deklaratë kjo që vjen si përgjigje për t’u mbyllur gojën skeptikëve. Ka qenë vetë numri një i klubit që ka siguruar se Skënderbeu do të hyjë me shumë pretendime këtë kampionat.

“Kini besim te projekti që ne kemi nisur. Fillimi duket i mbarë dhe po shikojmë ndërkohë të finalizojmë edhe afrime të tjera që janë në rrugë e sipër drejt përfundimit të marrëveshjes. Të jeni të bindur se nuk do të jemi thjesht pjesëmarrës në këtë sezon, por objektivat i kemi të qartë.

Ngjitja në elitë do të jetë synimi i vetëm yni. Jo më kot po punojmë, dhe Skënderbeu i këtij sezoni, që ju po shihni, është më i shtrenjtë se ai i Superiores së një viti më parë. Për këtë të jeni të sigurt”, kanë qenë fjalët e presidentit të Skënderbeut që jepnin siguri.





Lajmet e fundit nga