E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

Supergola, penallti e humbur dhe e shënuar në një ndeshje dramatike. Erzeni ndal Partizanin me gol në minutën e 99-të

11 Dhjetor 2022, 18:19, Sport CNA

Erzeni dhe Partizani janë ndalur në një barazim 3-3 në javën e 13 të Kategorisë Superiore, në fund të një sfide drithëruese deri në sekondat e fundit.

Sfida nisi me një gol të shpejtë të Erzenit por Cara barazoi menjëherë me një goditje spektakolare. Të kuqtë me kalimin e minutave rritën ritmin e tyre dhe në fillimin e pjesës së dytë përmbysën gjithçka me gola të Rrapajt e Skukës, duke lënë të mendohej se kishin siguruar fitoren.

Një rrebesh i pazakontë bëri që ndeshja të ndërpritet për disa minuta dhe pas rikthimit në fushë skuadrat e kishin të vështirë të ktheheshin në ritmin e tyre. Por në minutat e fundit, shijakasit shkurtuan diferencën me Kadriun dhe ia dolën që të fitonin edhe një penallti pas një dalje të pakontrolluar të Rexhepit. Kahrimanoviç nuk gaboi nga pika e bardhë dhe sfida u mbyll me rezultatin 3-3.

ERZENI-PARTIZANI 3-3
8′ Nonato, 90’+2′ Kadriu, 90’+9′ (p) Kahrimanoviç / 13′ Cara, 47′ Rrapaj, 55′ Skuka

90’+10’ Mbyllet ndeshja në barazimin 3-3.

90’+9’ GOOOL ERZENI! Shënon Kahrimanoviç me penallti.

90’+7’ Penallti për Erzenin, ky është vendimi pas rishikimit me VAR.

90’+4’ Një top i harkuar në zonë krijon rrëmujë dhe aty janë disa futbollistë që devijojnë topin, por asnjë në portë. Ka verifikim nga VAR për daljen e Rexhepit.

90’+2’ GOOOL ERZENI! Pasi të kuqtë humbin topin në zonë, Kadriu përfiton dhe tund rrjetën.

88’ Nonato tenton nga e djathta të gjejë portën, ai mposht Rexhepin me goditjen e tij por nuk gjen katërkëndorin e Partizanit.

86’ Thierno kthen topin për Asanin i cili gjuan por sfera kalon pasqyrën e portës dhe askush nuk e devijon në rrjetë.

82′ Rifillon shiu mbi stadium dhe lojtarët e kanë të vështirë që të krijojnë momente të rrezikshme loje.

77’ Një përplasje e Asanit me Rexhepin sjell ndërprerjen e lojës për pak çaste pasi portieri ka nevojë për ndihmën mjekësore. Por në fund ai ringrihet dhe loja vazhdon normalisht.

76’ Skuka niset drejt portës për të krijuar një tjetër aksion të rrezikshëm por më pas sinjalizohet në pozicion jashtë loje.

74’ Sfida rifillon me disa ndërprerje për shkak të faulleve ndërsa terreni pak nga pak po kthehet në kushtet optimale.

70’ Buxhelaj dhe Januzi marrin vendin e Hotit dhe Atanaskoskit te Partizani, ndërsa Therno merr vendin e Mehmetit te Erzeni.

Ora 17:26 – Rifillon dueli.

Ora 17:23 – Gjyqtari nxjerr përsëri skuadrat në fushën e lojës dhe bëhet gati të rifillojë sfidën.

Ora 17:21 – Furtuna vazhdon mbi stadium teksa lojtarët janë në dhomat e zhveshjeve dhe po presin të gjithë palët që të kalojë kjo situatë atmosferike.

69′ Furtunë mbi stadiumin ‘ Niko Dovana”, ndërpritet ndeshja.

69’ Asani merr vendin e Peposhit në radhët e Erzenit.

64’ Maget merr vendin e Rrapajt në fushën e lojës.

63’ Kahrimanoviç tenton me një gjuajtje nga rreth 25 metra, topi përfundon jashtë katërkëndorit të portës.

63’ Osmanllari dhe Avdiu marrin vendin e Allan dhe Iljazit.

55’ GOOOL PARTIZANI! Skuka gjuan fluturimthi, gjen përgjigjen e Xhikës por pastaj insiston dhe pasi merr topin në të majtën, shmang portierin dhe dërgon sferën në rrjetë.

53’ Menish merr vendin e Matondo në radhët e Partizanit.

53’ Hoti ka një mundësi për të tentuar portën nga e majta, gjuajtja e tij ndalet nga Xhika i cili shmang golin e radhës.

50’ Allan shfaqet i vetëm para Rexhepit, por tentativa e tij për ta kaluar ndalet nga portieri i cili shmang golin.

47’ GOOOL PARTIZANI! Hoti jep një asist perfekt për Rrapajn i cili në kufijtë e zonës gjen devijimin e duhur dhe çon sferën në rrjetë.

46’ Skuka tenton të bëjë diçka vetë me një aksion nga e majta, por gjuajtja e tij ndalet nga mbrojtësit.

46’ Nis pjesa e dytë e ndeshjes me aktivizimin e Hotit në vend të Mensah.

45’+7’ Mbyllet në barazim 1-1 pjesa e parë e ndeshjes.

45’+2’ Skuka gabon penalltinë, shpëtojnë shijakasit.

45’+1’ Ndëshkohet me karton të verdhë trajneri Kapllani i cili kërkonte që gjyqtari të rishikonte pamjet me VAR.

45’ Penallti për Partizanin. Xhika ndërhyn nga Mensah dhe gjyqtaria nuk hezitojë të bëjë shenjë nga pika e bardhë.

44’ Goditje dënimi e rrezikshme e Allan, gjuajtja e tij detyron Rexhepin të largojë topin mbi traversë.

43’ Bitri ndëshkohet me karton të verdhë pas një faulli ndaj Nonatos.

42’ Top i gjatë i Allan për Peposhin, ndërhyrja e Bitrit shmang një sulm të rrezikshëm.

40’ Shfaqet edhe Skuka nga e djathta e sulmit, pasimi i tij në qendër nuk gjen askënd dhe Erzeni largon rrezikun.

38’ Cara ekzekuton një goditje nga këndi nga e majta e sulmit, Xhika kontrollon gjithçka në zonë.

34’ Tensionohet ndeshja pas ndërhyrjes së Rrapajt ndaj Kadriut. Ka reagim ndaj lojtarit të Partizanit i cili përgjigjet gjithashtu. Në fund gjyqtari ndëshkon me karton të verdhë Rrapajn dhe Iljazin për ato shkëmbime mes tyre.

32’ Murataj ekzekuton një goditje dënimi nga e majta, Xhika del dhe grushton topin për të larguar rrezikun.

30’ Atanaskoski del në fundore në krahun e majtë, por mbrojtja e Erzenit nuk i lë kohë që të dërgojë një top në zonë duke larguar sferën në anësore.

26’ Një goditje dënimi nga e majta krijon rrezik në zonën e Partizanit, por Rexhepi del dhe kontrollon sferën e harkuar drejt katërkëndorit të tij.

24’ Cara nga e djathta në fundore tenton një gjuajtje-kros por sfera kalon pasqyrën e portës pa u devijuar.

18’ Qarkullim i gjatë topi në këto minuta nga të dy skuadrat të cilat janë të kujdesshëm që të mos lejojnë më gabime të tjera.

13’ GOOOL PARTIZANI! Supergol i Carës nga distanca, gjuajtja me të djathtën befason Xhikën dhe barazon shifrat.

8’ GOOOL ERZENI! Nonanto ndëshkon Partizanin me një gjuajtje të saktë në zonë pas një goditje dënimi.

3’ Rifillon ndeshja pasi portieri është rikuperuar pas goditjes.

1’ Përplasje mes Skukës dhe Xhikës, portieri kërkon ndihmën e parë mjekësore.

1’ Nis dueli në stadiumin e Durrësit.

ERZENI: Xhika, Iljazi, Mehmeti, Kahrimanoviç, Kadriu, De Souza, Sadiki, Kriviç, Peposhi, Nonato, Alan.

PARTIZANI: Rexhepi, Atanaskoski, Matondo, Muarataj, Bitri, Skuka, Cara, Mensah, Sota, Hadroj, Rrapaj.