web counter
LEXO PA REKLAMA!

SHKARKO APP

App Store
Google Play

E fundit!

x

Shkëlqeu ndaj Andorrës, Broja: Kam një qëllim në Kombëtare

24 Mars 2025, 23:30, Sport CNA

Shkëlqeu ndaj Andorrës, Broja: Kam një qëllim në

Sulmuesi Armando Broja, ishte një nga më të mirët në fushë, në fitoren 3-0 ndaj Andorrës. Ai dha asistin te goli i dytë i shënuar nga Rey Manaj.

Në prononcimin e dhënë pas ndeshjes për TV Klan, Broja u shfaq shumë i lumtur, ndërsa deklaroi se dëshiron të kalojë Bogdanin me gola në kombëtare.

“Isha pak i lodhur në fund. Luajta 75 minuta. Nuk luaja shumë minuta për një kohë të gjatë. Sot isha i lumtur sepse e nisa nga fillimi dhe dola mirë nga fusha. Jam i lumtur që morëm 3 pikët. Më kishte munguar publiku. Tifozët na japin një mbështetje të madhe. Isha shumë i kënaqur që jam kthyer me ekipin dhe të luaj disa minuta.

Bogdani është legjende për Kombëtaren dhe shpresoj ta kaloj me gola një ditë. Kur kam qenë i vogël tek Akademia e Chelsea, kam luajtur gjithmonë në sulm, në të majtë në të djathtë. Jam një lojtar që luaj me topin. E dinim sot që Andorra do linte pak hapësira, është e vështirë për të depërtuar.

Unë jam i kënaqur që trajneri më dha mundësinë për të luajtur në fushë dhe jam i kënaqur që dhashë diçka për tifozët.

Trajneri më dha lirmshmëri gjatë ndeshjes, për të mos e ditur kundërshtari se ku jam në fushë. Në pjesën e parë krijova. Qejf kam të bëj shumë gola. Goli do vijë, por unë jam i kënaqur që jam kthyer fizikisht dhe erdhi fitorja.

Trajneri i merr vendimet se kush luan. Sot vendosi që të luaja në krah. Unë mund të luaj në çdo pozicion në sulm”, deklaroi Broja.





Lajmet e fundit nga