web counter
LEXO PA REKLAMA!

SHKARKO APP

App Store
Google Play

E fundit!

x

E papritur! Dështon projekti i Dinamos me Man City-n, zbulohen detajet e klubit të ri

14 Janar 2024, 14:13, Sport CNA

E papritur! Dështon projekti i Dinamos me Man City-n, zbulohen detajet e

Projekti për të shndërruar Dinamon, në një nga klubet satelite të Manchester City-t, ka dështuar.

Sipas asaj që raporton "Supersport", 18 herë kampionët e Shqipërisë, nuk do të jenë pjesë e “City Group”, siç u njoftua në verë. Klubi ndryshoi emrin, duke kaluar në Dinamo City, madje dërgoi edhe vendodhjen në Durrës, por ka ndodhur diçka e papritur.

Dinamo do të mbetet në Tiranë. Në fakt, projekti i “City Group” për të hapur një akademi dhe për të kontribuar në rritjen e futbollit shqiptar do të vijojë, por duke nisur një projekt nga e para dhe duke krijuar një akademi të quajtur “Dyrrah City Football Academy”, e cila më pas do të konkretizohet edhe me një skuadër që do të nisë nga fillimi të gjitha etapat në futbollin shqiptar.

“Dyrrah City Football Academy”, ka nisur përgatitjen për të ushtruar aktivitetin në Shqipëri ndërsa është krijuar edhe faqja zyrtare në rrjetet sociale, teksa njoftohet se synimi do të jetë promovimi, evidentimi dhe disiplinimi i talenteve shqiptarë.

“Dyrrah City Football Academy”, është një organizatë jofitimprurëse (OJF) e krijuar nga Ministria e Arsimit dhe Sportit dhe “City Group” e që do të ndërtojë qendrën më të madhe dhe më moderne me ambiente trajnimi në vend dhe më gjerë. Vizioni i akademisë nuk është vetëm promovimi i talenteve të reja, por edhe frymëzimi i vlerave përmes lojës së bukur të futbollit.

 





Lajmet e fundit nga