web counter
LEXO PA REKLAMA!

SHKARKO APP

App Store
Google Play

E bujshme/ Ronaldo drejt klubit të Serisë A, Mançester Junajtid bën ofertën e parezistueshme

26 Gusht 2022, 11:33, Sport CNA

Kristiano Ronaldo, drejt Napolit. Kështu raporton e përditshmja torineze “Tuttosport”, që zbulon se Mançester Junajtid u ka bërë napolitanëve një propozim shumë joshës dhe tani i takon yllit portugez të thotë fjalën e fundit.

“Djajtë e Kuq” kanë kërkuar blerjen e sulmuesit nigerian Victor Osimhen, për të cilin janë gati të paguajnë 100 milionë euro dhe të japin në huazim Kristiano Ronaldon për një sezon, duke marrë përsipër të paguajnë edhe një pjesë të mirë të pagës së portugezit.

Propozimi ka gjetur miratimin e presidentit të Napolit, Aurelio de Laurentiis, i cili aktualisht është duke diskutuar edhe me menaxherin e Kristiano Ronaldos, Zhorzh Mendesh, për të kompletuar transferimin në ditët e fundit të merkatos.

Ylli portugez është i pakënaqur në “Old Trafford”, pasi nuk shihet si titullar nga trajneri Ten Hag dhe për më tepër, dëshiron të luajë në një skuadër që garon në grupet e Champions League, diçka që Mançester Junajtid nuk ia ofron dot këtë sezon.

Nëse marrëveshja do të realizohet me sukses, atëherë anglezët do të kompletojnë sulmin me 24-vjeçarin Osimhen dhe do të heqin dorë nga braziliani Antony, i Ajaksit, por në të njëjtën kohë do të “heqin qafe” edhe Kristiano Ronaldon, që është shndërruar në një barrë të rëndë në dhomat e zhveshjes.





Lajmet e fundit nga