web counter
LEXO PA REKLAMA!

SHKARKO APP

App Store
Google Play

Botërori ngre siparin, Infantino tregon favoritët për trofeun

11 Qershor 2026, 13:22, Sport CNA

Botërori ngre siparin, Infantino tregon favoritët për trofeun

Kupa e Botës 2026 ka hyrë zyrtarisht në fazën përfundimtare të përgatitjeve përpara startit të turneut.

Presidenti i FIFA-s, Gianni Infantino, ka prezantuar trofeun dhe topin zyrtar në stadiumin legjendar Azteca të Meksikës.

Kreu i organizatës botërore e cilësoi këtë edicion si eventin më të madh në historinë e njerëzimit, duke parashikuar rreth gjashtë miliardë shikues.

Infantino preku edhe çështjen e biletave, duke saktësuar se deri tani janë shitur mbi gjashtë milionë të tilla në mbarë botën.

Ai mbrojti politikat e çmimeve duke theksuar se vlera minimale prej 60 dollarësh është ndër më të ulëtat për tregun amerikan.

Në fund, presidenti i FIFA-s analizoi skuadrat favorite për trofeun, ku veçoi ekipet europiane dhe ato të Amerikës Latine.

Ai vlerësoi veçanërisht praninë e yjeve të mëdhenj si Lionel Messi, duke e quajtur pjesëmarrjen e tyre një festë për futbollin.

“Organizimi i një Kupe Bote nuk është i lehtë. Ky është eventi më i madh në historinë e njerëzimit. Rreth 6 miliardë njerëz do ta ndjekin nga shtëpitë e tyre. Futbolli sjell emocione unike, lot gëzimi dhe zhgënjimi. Falënderoj autoritetet e Meksikës, Shteteve të Bashkuara dhe Kanadasë për mikpritjen dhe bashkëpunimin.

Janë shitur më shumë se gjashtë milionë bileta. Ka ende bileta në dispozicion. Çmimi minimal prej 60 dollarësh është ndër më të ulëtit për një ngjarje sportive në SHBA. Rritja e çmimeve lidhet me sistemin e rishitjes së biletave dhe jo me FIFA-n. Të gjitha të ardhurat tona riinvestohen në zhvillimin e futbollit në mbarë botën.

 


Nuk jam ekspert futbolli, por jam i bindur se do të jetë një turne i jashtëzakonshëm. Favoritet janë Spanja, Franca, Anglia dhe Portugalia. Argjentina, Brazili, Maroku, Senegali dhe Japonia kanë gjithashtu skuadra shumë të forta. Të shohësh Argjentinën në Kupën e Botës është gjithmonë spektakolare. Messi është një nga më të mëdhenjtë dhe prania e tij, së bashku me yjet e tjerë, është gjëja më e mirë që mund t’i ndodhë futbollit”, deklaroi Infantino.





Lajmet e fundit nga