web counter
LEXO PA REKLAMA!

SHKARKO APP

App Store
Google Play

E fundit!

x

Ahmataj, para Dinamos: Tirana duhet të sakrifikojë për fitoren

11 Janar 2024, 15:28, Sport CNA

Trajneri i Tiranës, Julian Ahmataj, foli për mediat, në prag të sfidës derbi me Dinamon.

Ahmataj deklaroi se me kthimin e lojtarëve nga dëmtimet, skuadra është e plotësuar, por shtoi se ka ende vend për përforcime.

"Gjithmonë karakteristikë e Tiranës ka qenë që duhet të përshtatet shumë shpejt me ambientet e ndryshme dhe në fusha të vështira dhe kjo duhet të jetë prezent edhe kësaj here.

Tirana ka pasur organikë të plotë, por për shkak dëmtimesh ka qenë organikë e cunguar në fund të fazës. Me kthimin e disa lojtarëve themi që mund të jemi plotësuar, por gjithmonë skuadra ka nevojë për përforcime gjë që ne po shohim mundësitë që janë pasi në merkaton e janarit nuk ka shumë mundësi.

Momentalisht të gjithë janë stërvitur shumë mirë dhe kemi bërë një periudhë të shkurtër me ritëm të lartë dhe mendojmë që do jemi në maksimumin tonë në fillimin e ndeshjes. Ne duhet të jemi të përqendruar pasi çdo ndeshje ka vështirësinë e saj, luhet për 3 pikë dhe duhet të jemi përqendruar që ta marrim dhe të ruajmë vazhdimësinë.

Ana psikologjike është një armë plus, Tirana duhet të luftojë dhe sakrifikojë për të marrë rezultatin dhe të bëjë maksimumin. Çdo skuadër ka nevojë për përmirësim, nëse ka prurje të mirë e mirëpresim", deklaroi Ahmataj.





Lajmet e fundit nga