web counter
LEXO PA REKLAMA!

SHKARKO APP

App Store
Google Play

“Blegtoria ka ulje me 37%”/ Korreshi: Duhet të kesh mik të blesh një bidon qumësht të mirë

15 Korrik 2025, 20:14, Politikë CNA

“Blegtoria ka ulje me 37%”/ Korreshi: Duhet të kesh mik të

Deputeti Saimir Korreshi komentoi sot lidhur me situatën e prodhimeve blegtorale në vend.

Në një intervistë në ‘Syri Tv’, Korreshi tha se në Shqipëri, blegtoria ka pësuar rënie me 37%.

Korreshi u shpreh se së fundmi, kostot për fermerët janë jashtëzakonisht të mëdha.

“Në raportin e fundit që 37% ka rënë blegtoria në Shqipëri. Ka qenë një lajm para 20 ditësh tek ju dhe tek të gjithë televizionet. Kjo do të thotë që po shkon drejt 0. Unë kam katër vite në parlamentin e Shqipërisë që them se fshati ka kohë që blen qumësht në qytet. Realisht nëpër fshatra sot është thuajse e pamundur të gjesh blegtori si në kohën e mëparshme. Çdo fshatar më parë mbante 2 ose 3 lopë në shtëpi dhe tani shumë shumë pak mbajnë, sepse kostoja është jashtëzakonisht e madhe.Tani këtu ka dy fenomene: e para, nëse marrim e shohim sa lopë ka fshati në proporcion me banorët, nuk del për fshatin, jo më për qytetin. Duhet të kesh mik të blesh një bidon qumësht të mirë, nëse do e quajmë, të jetë drejt për së drejti nga lopa. Pasiguria ushqimore është pikërisht tek baxhot. Ka kaq kohë që grumbulluesit e qumështit mbledhin qumësht pa asnjëlloj fature tatimore. Si e kanë kontrolluar deri tani tatimfitimin dhe hyrjen e daljen e këtyre baxhove? Së dyti, përpara se t’i bësh këtë kërkesë fshatit, duhet të rimbursohet”,-tha Korreshi./CNA





Lajmet e fundit nga