web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen detaje nga dosja hetimore/ Si do të ekzekutohej Xhevdet Plaku, kush i ngriti kurthin

6 Janar 2024, 16:49, Kronika CNA
Zbardhen detaje nga dosja hetimore/ Si do të ekzekutohej Xhevdet Plaku,
Foto ilustruese

Detajet të tjera janë zbardhur nga dosja hetimore e SPAK për Rexhep Rapin i njohur si “Kep Arapi”.

Kep Arapi dyshohet se ka tentuar të ekzekutojë kundërshtarin e tij Xhevdet Plakun për hakmarrje.

Sipas hetimeve, ish shefi i krimeve, i arrestuar pak kohë më parë nga SPAK, Dedan Gjoni i ka ngritur kurth Xhevdet Plakut, duke informuar Kep Arapin se do ta nxirrte nga dera e pasme e komisariatit të Durrësit, ndëra Kep Arapi bëri gati grupin për ta eleminuar atë.

Zbardhen detaje nga dosja hetimore/ Si do të ekzekutohej Xhevdet Plaku,

“Mbas sinjalizimit që shtetasi Dejvi Gjermëni, i ka dhënë personit të quajtur Geri (identifikuar si Algert Rapi), Rexhep Rapi (Kep Arapi) është organizuar me njerzit e tij për të kryer vrasjen e shtetasit Xhevdet Plaku”, thuhet në dosje.

Ekzekutimi nuk u krye pasi Dejvi Gjermëni i kërkoi nipit të Kep Arapit të tërhiqeshin pasi Dedan Gjoni i kishte dërguar informacionet në ËhatsApp dhe jo në telefon të enkriptuar.

Më tej ai bënte me dije se Plaku ishte liruar dhe nuk ishte më në komisariatin e Durrësit.

“Çfarë bën ai kështu o burrë, ne nuk e lamë kështu.Thuaj atyre (me kallashnikov) të ikin se ai (Plaku) nuk është më aty në rajon, e kanë liruar”,  i është drejtuar Gjermëni Arapit.

Bisedat u përgjuan nga autoritetet holandeze të cilat po hetonin Dejvi Gjermënin për përfshirje në një organizatë kriminale që merrej me trafik droge.

“Në periudhën nga fillimi i muajit mars 2020 deri në fund të muajit shtatorit 2020, në ambientet e firmës “Alba Cars” sh.p.k, nga shtetasi Dejvi Gjermëni është folur disa here dhe me persona të ndryshëm për një vrasje për të cilën janë siguruar kushtet dhe mjetet materiale për ta realizuar në verën e vitit 2019 në Shqipëri”, theksohet në dosje.

Dejvi Gjermëni i ka rrëfyer planet e tij për vrasjen e Xhevdet Plakut Toni Dervishit, duke i  thënë që ishte Dedan Gjoni i cili do të nxirrte në pritë Xhevdet Plakun.

Ndër të tjera ai flet dhe për një takim mes Dedan Gjonit dhe Kep Arapit në lokalin e këtij të fundit tek Gjiri i Lalzit.

Vrasja e Xhevdet Plakut ishte planifikuar të realizohej më datë 17 shtator 2019, në Durrës, kur ai ishte shoqëruar na komisariat nga oficeri i policisë Dedan Gjoni, me pretendimin se përdorte makinë të blinduar.

SPAK thotë se Rexhep Rapi i njohur si Kep Arapi, nipi i tij, Algert Rapi, Dejvi Gjermëni, i njohur edhe me emrat Elton dhe Sako Gjermëni, si dhe oficeri i policisë Dedan Gjoni, krijuan kushtet për vrasjen e Plakut, për motive hakmarrje. Kep Arapi e akuzonte Xhevdet Plakun si autor të vrasjes së vëllait të tij, Sali Rapi në vitin 2000 në Savona të Italisë./ CNA





Lajmet e fundit nga