web counter
LEXO PA REKLAMA!

SHKARKO APP

App Store
Google Play

E fundit!

x

Sherr mes dy familjeve në Durrës/ Parandalohet krimi, sekuestrohet një armë zjarri

17 Korrik 2023, 12:10, Kronika CNA

Sherr mes dy familjeve në Durrës/ Parandalohet krimi, sekuestrohet

Në fshatin Arapaj ka ndodhur një konflikt mes dy familjeve, që mund të përshkallëzohej deri në përdorimin e armës së zjarrit.

Por pas marrjes së njoftimit, policia e Durrësit menjëherë ka shkuar në vendngjarje, me qëllim neutralizimin e këtij konflikti.

Si rezultat i ndërhyrjes së menjëhershme në vendin e ngjarjes, u kapën dhe u arrestuan në flagrancë shtetasit me iniciale:

K. U., 33 vjeç, për veprat penale "Mbajtja pa leje dhe prodhimi i armëve, armëve shpërthyese dhe i municionit" dhe "Dhuna në familje";

N. U., 59 vjeçe, banues në fshatin Arapaj, Durrës, për veprën penale "Mbajtja pa leje dhe podhimi i armëve, armëve shperthyese dhe i municionit" dhe "Dhuna ne familje";

G. D., 52 vjeç, banues në fshatin Arapaj, Durrës, për veprën penale "Dhuna në familje".

Gjithashtu, nisi procedimi në gjendje të lirë për shtetasen H. D., 20 vjeçe, banuese në fshatin Arapaj, Durrës, për veprën penale "Dhuna në familje".

Gjatë kontrollit në banesën e 33-vjeçarit, u gjetën një armë zjarri kallashnikov dhe 30 fishekë luftarakë, të cilët u sekuestruan në cilësinë e provës materiale.

Nga veprimet e para rezulton se shtetasi G. D. dhe vajza e tij, shtetasja H. D. kanë shkuar në banesën e shtetasit K. U., në Arapaj, me qëllim prishjen e martesës së shtetasve H. D. dhe K. U. Në banesë, këta shtetas janë konfliktuar dhe kanë ushtruar dhunë ndaj njëri-tjetrit dhe për pasojë kanë pësuar dëmtime fizike.

Ndërkaq, materialet proceduriale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./ CNA.al





Lajmet e fundit nga