web counter
LEXO PA REKLAMA!

SHKARKO APP

App Store
Google Play

E fundit!

x

Deputetit i vjedhin 50 mijë euro në shtëpi/ 9 vite më parë u akuzua për fshehje pasurie

26 Qershor 2022, 11:30, Kronika CNA
Deputetit i vjedhin 50 mijë euro në shtëpi/ 9 vite më
Foto ilustruese

Deputeti i Lëvizjes Vetëvendosje, Mirsad Shkreta, ka denoncuar në polici se i janë vjedhur 50 mijë euro në shtëpinë e tij në Prishtinë.

Në orët e para të së premtes, më 24 qershor, Shkreta ka parë se i ishte thyer shtëpia në Prishtinë dhe për ngjarjen ka njoftuar Policinë.

Mediat në Kosovë raportojnë se deputeti ka thënë gjatë dëshmisë së tij, se paratë që i janë vjedhur i kishte mbledhur për të larë një borxh.

Shkreta po ashtu u ka thënë hetuesve se ato para i kishte mbledhur bashkë me disa familjarë të tij.

Në raportin policor që e ka siguruar "Kallxo.com", deputeti i VV-së ka treguar se nuk kishte qenë në banesë që nga mëngjesi i datës 23 qershor, ditë e enjte.

Deputeti i dënuar për fshehje pasurie

Deputetit i vjedhin 50 mijë euro në shtëpi/ 9 vite më
Deputeti i VV-së, Mirsad Shkreta

Sipas së njëjtës media, Gjykata Themelore në Ferizaj, në vitin 2013 e kishte dënuar me 300 euro gjobë për mosdeklarim të pasurisë deputetin Shkreta.

Me një aktvendim të lëshuar nga kjo Gjykatë, Shkreta, në pozitën e këshilltarit komunal në asamblenë komunale të Hanit të Elezit, nuk kishte bërë deklarimin e pasurisë në Agjencinë Kundër Korrupsionit.

Sipas këtij aktvendimi, gjatë marrjes në pyetje nga ana e Gjykatës, Shkreta kishte thënë se nuk ka qenë i njoftuar në kohë për këtë obligim, pra për të deklaruar pasurinë, nga ana e zyrtarëve kompetentë komunalë.

Ai po ashtu kishte thënë se nuk ka pasur për qëllim që t’i ikë deklarimit të pasurisë.

Deputetit i vjedhin 50 mijë euro në shtëpi/ 9 vite më





Lajmet e fundit nga