web counter
LEXO PA REKLAMA!

SHKARKO APP

App Store
Google Play

“Numri i fëmijëve të vrarë në Gaza po rritet çdo ditë”/ UNICEF ngre “alarmin”: Të ndalet kjo gjë

13 Tetor 2023, 17:00, Kosova & Bota CNA
“Numri i fëmijëve të vrarë në Gaza po rritet
Foto ilustruese

UNICEF ka ngritur alarmin duke deklaruar se numri i fëmijëve të vrarë dhe të plagosur në Gaza po rritet dita-ditës.

“Qindra fëmijë janë vrarë dhe plagosur.Vrasja e fëmijëve duhet të ndalet," tha në një deklaratë zëdhënësi i UNICEF-it, James Elder.

"Pamjet dhe historitë janë të qarta, fëmijë me djegie të tmerrshme, plagë dhe gjymtyrë të humbura. Spitalet janë tejmbushur dhe ka vështirësi në trajtimin e tyre", thuhet më tej në deklaratë.

Elder iu bashkua thirrjeve nga komuniteti ndërkombëtar duke thënë: "Fëmijët izraelitë që mbahen peng në Gaza duhet të ribashkohen në mënyrë të sigurtë dhe menjëherë me familjet dhe të dashurit e tyre."

“Situata humanitare ka arritur në nivele vdekjeprurëse. Të gjitha raportet tregojnë për sulme të mëtejshme. Duhet të mbizotërojë dhembshuria dhe ligji ndërkombëtar", tha ai.

UNICEF po bën thirrje për një armëpushim të menjëhershëm pasi 1.1 milionë njerëz, gati gjysma e tyre fëmijë, janë paralajmëruar të largohen nga rruga”, duke shtuar se “nuk ka asnjë vend të sigurt për civilët për të shkuar”.

 “Në çdo luftë, ata që vuajnë më shumë janë fëmijët. Kjo është e vërteta tragjike”, tha Elder./ CNA





Lajmet e fundit nga