web counter
LEXO PA REKLAMA!

SHKARKO APP

App Store
Google Play

Ngacmohet seksualisht presidentja e Meksikës në një dalje publike

5 Nëntor 2025, 18:30, Kosova & Bota CNA
Ngacmohet seksualisht presidentja e Meksikës në një dalje publike
Pamje të incidentit

Një burrë është arrestuar në Meksikë pasi ka ngacmuar seksualisht presidenten e vendit, Claudia Sheinbaum. Ngjarja ka ndodhur ditën e djeshme teksa presidentja, po bënte një shëtitje në Mexico City në këmbë përpara një eventi në Ministrinë e Arsimit Publik kur një burrë iu afrua nga pas.

Në videot e publikuara nga mediat e huaja, shihej burri që del nga turma e njerëzve dhe afrohet të përqafojë Sheinbaum duke tentuar ta puthë e ta prekë në trup. Presidentja e Meksikës u përpoq të mos e përshkallëzonte situatën dhe pranoi të bënte foto me personin përpara se të vazhdonte me axhendën e saj.

Gjatë konferencës së saj për shtyp mëngjesin e sotëm, Sheinbaum njoftoi se kishte ngritur një padi kundër sulmuesit të dyshuar.

“Asnjë burrë nuk ka të drejtë ta shkelë atë hapësirë. Vendosa të ngre padi sepse kjo është diçka që e përjetova si grua, por që ne si gra e përjetojmë në vendin tonë. E kam përjetuar më parë, kur nuk isha presidente, kur isha studente", u shpreh ajo në konferencë.

Ndërkohë, incidenti është denoncuar edhe nga autoritete të tjera qeveritare meksikane. Senatori Malu Micher Camarena, i cili është president i Komisionit të Barazisë Gjinore të Senatit, e përshkroi ngjarjen si absolutisht të papranueshme. /CNA





Lajmet e fundit nga