web counter
LEXO PA REKLAMA!

SHKARKO APP

App Store
Google Play

Prag fundjave, bien ndjeshëm temperaturat/ E shtuna rikthen vranësirat dhe reshjet e shiut

2022-11-11 08:05:00, Sociale CNA

Prag fundjave, bien ndjeshëm temperaturat/ E shtuna rikthen vranësirat

Territori Shqiptar gjatë paradites do të vijojë nën dominimin e motit të kthjellët dhe vranësirave të lehta në bregdet dhe zonat e ulëta por me alternime kthjellimesh dhe vranësirash të shpeshta paraqiten zonat malore.

Parashikohet që orët e pasdites të sjellin vranësira më të dendura ku më të theksuara vranësirat do të jenë në verilindje dhe juglindje të territorit.

Temperaturat e ajrit do të pësojnë rritje të lehtë në mëngjes POR mesdita sjell rënie të lehtë të tyre duke luhatur vlerat ditore nga 5°C deri në 21°C.

Era do të fryjë mesatarisht me shpejtësi 45 km/h nga drejtimi kryesisht Jugor duke krijuar në brigjet detare dallgëzim mbi 3 ballë.

Ndërsa nesër, e shtunë, 12 Nëntor 2022, sipas MeteoAlb, vendi ynë do të përfshihet nga vranësirat e shpeshta, të cilat herë pas here do të pësojnë zhvillime dhe do të gjenerojnë reshje shiu.

Parashikohet që më të dukshme reshjet të jenë në zonat malore,ku pritet të jenë me intensitet dhe mesatar. Ndërsa ultësira perëndimore do ti ketë në sasira shumë më të pakta reshje. 

Temperaturat e ajrit do të ulen  ndjeshëm në mëngjes dhe në mesditë duke luhatur vlerat ditore nga 3°C deri në 18°C.

Era do të fryjë mesatare dhe e fortë në det me shpejtësi 50 km/h nga drejtimi Lindor - Verilindor duke krijuar në brigjet detare dallgëzim 3 - 4 ballë./CNA.al





Lajmet e fundit nga