web counter
LEXO PA REKLAMA!

SHKARKO APP

App Store
Google Play

E fundit!

x

Juristja Gjikondi: PS, probleme të thella me moralin, kritika për "like"-t në Facebook

13 Shkurt 2024, 12:33, Aktualitet CNA

Juristja Gjikondi: PS, probleme të thella me moralin, kritika për

Juristja Brisida Gjikondi ka komentuar mbledhjen e Asamblesë së PS-së dy ditë më parë, duke e quajtur të vakët.

Gjikondi, gjatë një interviste, është shprehur se në Asamble u morën me organizmin e partisë, por jo me moralin e saj, që sipas juristes ka probleme të thella duke shtuar se PS po kalon në një kalbëzim.

Juristja tha se problemet me moralin qëndrojnë edhe në faktin që në Asamble kritikat janë për "like"-t dhe postimet në "Facebook".

“Unë pashë një Asamble me 400 anëtarë që u mor me organizmin, por jo me moralin e partisë.

Mendoj që PS është në një krizë të madhe morale, më shumë e shikoj si një grup njerëzish të vakët dhe kur ke moral s’ke as pasion.

Mendoj që PS ka shumë vend për t'u kërkuar shqiptarëve një falje shumë të madhe për çka u ka ofruar deri më tani.

Nuk mund të bëjmë sikur nuk është një parti që ka qenë streha e figurave mëkatare dhe të korruptuara që kanë abuzuar me besimin që kanë pasur shqiptarët.

Mendoj se Asambleja ishte më shumë formale dhe 'show' tipik i mënyrës si funksionon Rama sigurisht edhe prej ardhjes së Blinken-it në Shqipëri.

Po të mos ishte ardhja e Blinken-it mendoj që patjetër do të kishte pasur edhe ndonjë prononcim për SPAK-un apo vizionin që gjoja ka PS në lidhje agresivitetin e Reformës në Drejtësi vetëm majtas.

Një Asamble e vakët, për inerci që do të mblidhet prapë në 16 mars në Durrës pikërisht pasi të ketë ikur Blinken dhe mund të thotë gjëra që nuk do ta shqetësojnë më dhe nuk do t'ia prishin më imazhin përpara shqiptarëve.

PS ka shumë probleme të thella me moralin dhe në përballje me shqiptarët.

U detyrohet shqiptarëve një 'mea culpa', një reflektim për problemet që ka në qeverisje, ministra, drejtorë.

Ai bën sikur mbreti nuk është lakuriq, ndërkohë që është lakuriq.

Unë mendoj se PS është në një kalbëzim të madh dhe të themi gjërat siç janë nëse nuk u jep një spunto të madhe moralit, frymës, figurave me integritet kam përshtypjesn se mund të marrë disa vota, por mendoj se nuk është kjo ajo që duhet të presë një parti politike që duhet të përfaqësojë shqiptarët.

Edhe kritikat që hidhte ishte pse nuk keni postime në 'Facebook' dhe pse s’ka 'like' në 'Facebook', unë mendoj që morali i shqiptarëve dhe kalbëzimi që ka kjo klasë politike janë 'like'-t dhe 'Facebook'-u. Nuk ka mbajtur asnjë premtim. Ena që quhet Shqipëri është e mbushur pa moral”, tha Gjikondi./ CNA





Lajmet e fundit nga