web counter
LEXO PA REKLAMA!

SHKARKO APP

App Store
Google Play

E fundit!

x

Dështoi tubimi i fundit/ Korça mbetet pa protesta në fundjavë

14 Qershor 2026, 20:54, Aktualitet CNA

Dështoi tubimi i fundit/ Korça mbetet pa protesta në

Korça nuk ka zhvilluar protesta qytetare kundër qeverisë këtë fundjavë, ndërsa arsyet e mosorganizimit mbeten ende të paqarta.

Sipas informacioneve,  një pjesë e protestuesve nga Korça u organizuan një ditë më parë për t’iu bashkuar protestës në Tiranë.

Megjithatë, mungesa e protestës në Korçë vjen pas dështimit të tubimit të zhvilluar dy ditë më parë, që nuk arriti të siguronte pjesëmarrjen e pritur. Protesta e fundit në Korçë, e zhvilluar ditën e premte, nuk rezultoi masive, teksa të pranishëm në terren ishin rreth 40 persona. Kjo situatë mendohet se ka ndikuar në mungesën e organizimit të një tjetër tubimi gjatë fundjavës.

Ndërkohë, organizatorë apo mbështetës të protestave e kanë justifikuar mungesën e një tubimi në Korçë me pjesëmarrjen në protestën e zhvilluar në Tiranë, ku një pjesë e protestuesve nga qyteti juglindor u zhvendosën për t’iu bashkuar protestës së madhe në kryeqytet. 

Protesta e njoftuar për ditën e diel u anulua për shkak të mungesës së pjesëmarrjes së qytetarëve. Mësohet se numri i ulët i personave të pranishëm bëri që organizatorët të vendosnin anulimin e tubimit.

Ndryshe nga Korça, ditën e shtunë është zhvilluar protestë në Pogradec. Tubimi në këtë qytet raportohet të ketë qenë masiv, me një pjesëmarrje të konsiderueshme të qytetarëve. Ende nuk ka informacion nëse Pogradeci do të vijojë me protesta të tjera në ditët në vijim.

Mësohet se në Korçë, protesta e radhës është planifikuar të zhvillohet pasditen e së hënës./CNA 





Lajmet e fundit nga