web counter
LEXO PA REKLAMA!

SHKARKO APP

App Store
Google Play

“Aksi hekurudhor i Korridorit VIII do të mbetet i njëjtë”/ Verdho: Parashikohen zgjerime tunelesh dhe vepra të reja

28 Shkurt 2026, 16:22, Aktualitet CNA

“Aksi hekurudhor i Korridorit VIII do të mbetet i

Drejtori i Hekurudhës Shqiptare, Ergys Verdho ka deklaruar se aksi i hekurudhës në kuadër të Korridori VIII do të mbetet i njëjtë, ndërsa projekti do të përfshijë përmirësime teknike dhe ndërhyrje të thelluara infrastrukturore.

Sipas tij, gjurma e linjës nuk do të ndryshojë, por do të ketë përmirësime të rrezeve, sipas rekomandimeve të konsulentit. Ai theksoi se në rast se veprat ekzistuese rezultojnë të amortizuara apo të papërshtatshme, ato do të shemben për t’u zëvendësuar me struktura të reja.

“Nëse të gjitha veprat janë të prishura ose do të vendosim vepra të reja, ne do t’i prishim ato ekzistueset për të bërë një Korridor VIII që është komplet i ri,” u shpreh ai.

Administratori bëri të ditur se të gjitha veprat e artit do t’i nënshtrohen një revizioni të plotë.

Po ashtu, tunelet ekzistuese do të zgjerohen, pasi projekti parashikon elektrifikimin e linjës hekurudhore.

Sipas tij, gabaritet aktuale të tuneleve të vjetra nuk përmbushin standardet e nevojshme për një korridor të elektrizuar.

Lidhur me rrëshqitjen në zonën e Dragostunjës, ai tha se kjo situatë do të shërbejë si një mësim i rëndësishëm për trajtimin e të gjitha skarpatave dhe përrenjve në këtë segment, duke marrë në konsideratë edhe faktorët gjeologjikë të zonës.

“Ky rast na ka dhënë një mësim të jashtëzakonshëm për të parë në të ardhmen të gjitha projektet e ardhshme,” përfundoi administratori, duke theksuar rëndësinë e analizës së thelluar teknike për garantimin e sigurisë dhe qëndrueshmërisë së infrastrukturës./ CNA





Lajmet e fundit nga