web counter
LEXO PA REKLAMA!

SHKARKO APP

App Store
Google Play

E fundit!

x

Panik në Kosovë/ Ish-lojtari i Laçit dhe Burrelit pëson arrest kardiak në fushë, shpëton për mrekulli

25 Prill 2022, 09:26, Sport CNA

Panik në Kosovë për Alban Rexhepin. Ish sulmuesi i Laçit dhe Burrelit në kampionatin shqiptar pësoi ditën e djeshme një arrest kardiak në fushë. Rexhepi është pjesë e Vllaznisë së Pozheranit në ligën e parë në Kosovë dhe në sfidën e djeshme ndaj Flamurtarit, pësoi arrest kardiak në fushë, por shpëtoi për mrekulli.

Sulmuesi u dërgua me urrgjencë në spital, ndërsa mjekët konfirmuan se kishte një atak në zemër. Lojtari bëri një operacion i cili u krye me sukses dhe tashmë është në gjendje të mirë shëndetësore. Rexhepi ka marrë mesazhe nga shumë skuadra në futbollin e Kosovës, ndërsa mbrëmjen e djeshme është vizituar edhe nga presidenti i Federatës, Agim Ademi që i ka uruar shërim të shpejtë.

Postimi i presidentit të FFK-së, Agim Ademi:

Në orët e mbrëmjes isha për vizitë në QKUK tek futbollisti i KF Vllaznia nga Pozherani, Alban Rexhepi.

Ai në ndeshjen e sotme në Ligën e Parë, Vllaznia ? Flamurtari, shfaqi disa shenja shqetësimi në shëndet gjatë pjesës së dytë, derisa pas ekzaminimeve mjekësore u konstatua se kishte arrest kardiak dhe si rrjedhojë ishte e domosdoshme t?i vendoset një stentë.

Fatmirësisht Albani tashmë është në gjendje të mirë, falë intervenimit të shpejtë të stafit mjekësor të QKUK-së.

E urova për ta tejkaluar sa më parë këtë gjendje si dhe ia shpreha gatishmërinë për ndihmë në rast nevoje në të gjitha format.

Urojmë që ai sa më parë të rikthehet pranë familjes, por edhe klubit dhe futbollit.

Shërim të shpejtë Alban!

Të presim më të fortë!





Lajmet e fundit nga