web counter
LEXO PA REKLAMA!

SHKARKO APP

App Store
Google Play

Krimi i rëndë në Fier/ Manjani “shpërthen” ashpër ndaj deputetëve: U çmendshit, nuk i duheni askujt

16 Nëntor 2021, 18:44, Politikë CNA

Një ngjarje e rëndë, makabër, është regjistruar në Fier, ku një 38-vjeçar ka rrëmbyer fëmijën e fqinjit mesditën e sotme, e ka vrarë dhe e ka groposur në oborrin e shtëpisë e tij.

Ish-ministri Ylli Manjani, i revoltuar ka kërkuar që të hapen sa më shumë spitale psiqiatrike se janë çmendurit rrugëve.

Reagimi i plotë:

Hapni çmendina, o të çmendur qeveritarë!

Hapni spitale psiqiatrike, përgatisni mjekë psikiatër e ri paguani mirë se janë çmendurit rrugëve, o të çmendur pushtetarë!

Mblidhini more të çmendurit se masakruan fëmijët, o të çmendurit e të çmendurve! Janë kudo nëpër Shqipëri. Jo vetëm në Fier.

Nuk ka asnjë kuptim ti zini me policë kur ata dhunojnë e vrasin. Është shumë vonë, o të vonuar nga mendtë!

Ngrijini ato kartona për aq para sa duhen për të izoluar të çmendurit në çmendina, o të çmendur deputetë! Boll bëni sikur ziheni, o të çmendur që nuk trajtoni dot të çmendurit!

U çmendshi e marrshi malet më mirë se nuk i duheni askujt! Nuk e ruani këtë shoqëri nga të çmendurit, le pastaj nga kriminelët!

Bah çfarë çmendurie!

Çfarë trishtimi!/CNA.al





Lajmet e fundit nga