web counter
LEXO PA REKLAMA!

SHKARKO APP

App Store
Google Play

E fundit!

x

Ushtronin aktivitet të paligjshëm të lojërave të fatit/ Procedohen penalisht tre shtetas

28 Tetor 2021, 07:07, Kronika CNA

Policia e Beratit ka goditur dy raste të aktivitetit të kundraligjshëm në fushën e lojërave të fatit online.

Janë proceduar penalisht tre shtetas që ushtronin këtë veprimtari.

Gjithashtu janë sekuestruar 4 aparate celularë, të cilët dyshohet se shërbenin për vendosjen e llotove të sportit.

?Vijojnë kontrollet për parandalimin, evidentimin dhe goditjen e paligjshmërisë.

Si rezultat i kontrolleve janë goditur dy raste të aktivitetit të kundërligjshëm në fushën e lojrave të fatit online.Procedohen penalisht 3 shtetas që ushtronin këtë veprimtari.

Në vijim të punës për evidentimin dhe ndëshkimin e paligjshmërisë, specialistët e Seksionit për Hetimin e Krimit Ekonomik, kanë konstatuar dy raste të ushtrimit të aktivitetit të paligjshëm të lojërave të fatit online.

Në përfundim të veprimeve hetimore, specialistët proceduan penalisht shtetasit G.C., 52 vjeç dhe N.K., 51 vjeçe, të dy banues në lagjen “Uznovë”, Berat, pasi gjatë kontrollit në ambjentet e lokalit në pronësi të shtetases N.K, u konstatua se ushtronte aktivitetin e lojrave të fatit, lloto sporti online, shtetasi G.C.

G.Gj., 32 vjeç, banues në lagjen “10 Korriku”, Berat, pasi gjatë kontrollit në lagjen “Kushtrim”, Berat në lokalin Bar-Kafe, i paregjistruar si subjekt tregëtar, ushtronte aktivitetin e lojrave të fatit, lloto sporti online.

Në cilësinë e provës materiale janë sekuestruar 4 aparate celularë, të cilët dyshohet se shërbenin për vendosjen e llotove të sportit.

Materialet procedurale i kaluan Prokurorisë pranë Gjykatës së Shkallës së Parë Berat, për veprime të mëtejshme?, njofton policia./ CNA.al





Lajmet e fundit nga