Shullazi e kërcënoi, “Niçja” e paditi/ Kush është, gjyqtarja Saida Dollani?

7 Qershor 2021, 10:35, Aktualitet CNA

Altin Avdyli i njohur me pseudonimin ?Niçja? ka kallëzuar penalisht kryetaren në detyrë të Gjykatës së Posaçme të Apelit Kundër Korrupsionit dhe Krimit të Organizuar, Saida Dollani.

Sipas ?Niçe-s?, Dollani ka shpërdoruar hapur detyrën duke qëndruar me ?forcë? në çështjen e tij dhe duke mos dhënë dorëheqjen ndonëse ka dhënë vendim më datën 03 Qershor 2021 për një pjesë të dosjes 339.

Më tej ai pretendon se gjyqtarja ka ndërmarrë veprimeve arbitrare ndaj tij, pavarësisht se kishte dy avokatë në sallën e gjykimit, duke mos dhënë asnjë shpjegim, nuk i ka legjitimuar ata.

?Kjo gjyqtare në emër të ligjit procedurial, kryen paligjshmëritë, ku me arrogancën ballkanike shkel të drejtat më themelore të të pandehurve?, thuhet në kallëzimin e Altin Avdyllit.

Hetimet për dosjen 339 janë mbyllur që në vitin 2019, kur ishte ende Prokuroria për Krime të Rënda dhe të pandehur janë 12 persona.

Dosja 339 ka shkaktuar shumë debate politike dhe përplasje midis mazhorancës dhe opozitës është e ndarë në dy pjesë. 339 dhe 339/1, ku po hetohet shitblerja e votave, shpërdorimi i detyrës dhe lejet e ndërtimit.

Kush është gjyqtarja Saida Dollani

Dollani ka një karrierë të gjatë në sistemin e drejtësisë. Ajo e ka filluar udhëtimin e saj si gjyqtare në Gjykatën e Rrethit Gjyqësor Fier në vitin 2000 dhe në vitin 2004 është promovuar në Gjykatën e Apelit të Krimeve të Rënda, një nga gjykata më të larta të karrierës në Shqipëri.

Gjyqtarja Saida Dollani u konfirmua në detyrë nga Komisioni i Pavarur i Kualifikimit në Qershor të vitit 2019, në kohën që ishte drejtuese e Gjykatës së Apelit për Krime të Rënda dhe sot është drejtuese e Apelit të Gjykatës Kundër Korrupsionit.

Nga hetimi i KPK-së, nuk kanë rezultuar probleme për gjyqtaren.

Në adresë të gjyqtares në KPK ishin bërë 7 denoncime dhe asnjë prej tyre nuk kishte indicie për shkelje, edhe denoncimi i bërë nga Emiljano Shullazi dhe 4 të pandehurit e tjerë nuk krijoi probleme për gjyqtaren Dollani.

Shullazi në izolim 41-BIS/ Avokati i dërgon letër Metës, Ramës e Ruçit
Në Maj të 2019, gjyqtarja Dollani u mor në mbrojtje dhe në ruajtje nga Policia e Shtetit së bashku me anëtarë të familjes së saj, pasi dyshohej se ishte kërcënuar nga anëtarë të bandës së Emiliano Shullazit.

Ditën kur gjyqtarja Saida Dollani e Apelit për Krime të Rënda u caktua kryetare e trupës në çështjen kundër Emiljano Shullazit, bashkëshorti i saj mori si mesazh një pistoletë në gojë.

Mbrëmjen e 23 prillit 2019, Kristaq Prifti ishte duke tymosur një cigare në ambientet e jashtme të një lokali në afërsi të shtëpisë, kur një djalë i ri, i veshur me të zeza iu afrua me shpejtësi, i bllokoi këmbën e majtë dhe me një të shtyrë në kraharor, e rrëzoi përtokë, raportonte Birn më herët.

Pamjet e kërcënimit, të fiksuara nga një kamera në zonë tregonin se si agresori i vendosi pistoletën në gojë Priftit dhe i përcolli një mesazh. Një mik i Priftit në vendngjarje u përpoq më kot të largonte autorin e kërcënimit, duke e tërhequr atë nga mbrapa.

Sipas denoncimit të bërë më pas në polici, kërcënimi kishte si objekt punën e gjyqtares Dollani. ?Ti me atë shk**dhatën tënde, mos harro se i ke dy djemtë në? [vendin ku studiojnë djemtë e gjyqtares],? ka kërcënuar agresori, para se të largohej me vrap në anën e djathtë të rrugës./CNA.al