web counter
LEXO PA REKLAMA!

SHKARKO APP

App Store
Google Play

“Kemi plan për punësimin”/ Shehi: Rama po e justifikon krizën ekonomike me pandeminë dhe tërmetin

2 Prill 2021, 19:58, Politikë CNA

Kreu i LZHK Dashamir Shehi në një komunikim online me qytetarët ka folur për fenomenin e emigracionit, që gjatë viteve të fundit është kthyer në një shqetësim.

Shehi deklaroi se opozita do të ndërrmarrë politika të tjera për përmirësimin e ekonomisë kur të vijë në pustet, ndërsa shtoi se Shqipëria ka shumë resurse që mund të shfrytëzohen për vende të reja pune.

Aleati i PD tha se Rama justifikohet me tërmetin dhe pandeminë për krizën financiare që është krijuar dhe sipas tij kjo mund të eliminohet kur të mos lejohen koncesionet dhe monopolet.

?Ne kemi një plan për punësimin, se si të rriten rrogat. Edhe po nuk u rritën rrogat në kohën tonë do jetë e turpshme se shqiptarët do vazhdojnë të ikin. Ne duhet të tregojmë se si do rriten rrogat dhe sa do rriten për të frenuar procesin e emigracionit dhe këtë lloj skllavërie që po mundohet të sjellin këta zotërinjtë. Shqipëria ka resurse të pafundme nëse do të punojë.

Të mos harrojmë që mbrojta e punëtorëve, e drejta e pagës dhe e siguracioneve ka bërë që në botë të bien edhe qeveritë më të fuqishme. Unë dua që ekonomia të rritet 4-5% në vit, që në tetë vjet të zotit Rama nuk është rritur fare dhe kjo jo për faj të tërmetit hde pandemisë, se më parë nuk i kishim këto.

Duhet të thyhesh koncesionet, monopolet, të ndërrosh administratën atëherë mund të filloj ekonomia të lëviz dhe të sjellë shpresë dhe të bllokohet emigracioni?, tha Shehi./CNA.al





Lajmet e fundit nga