E fundit!

12:08 Aktualitet

Protestat/ Rama: Askush nuk mund ta ndalë rrugën e Shqipërisë drejt BE-së

Kryeministri Edi Rama në një intervistë të dhënë për gazet...

Foto-Fillon shpërndarja e shpërblimeve/ Pensionistët “harrojnë” Covid, dynden nëpër posta

21 Dhjetor 2020, 11:30, Sociale CNA

Ditën e sotme ka filluar shpërndarja e shpërblimeve për pensionistët.

Duke filluar nga sot, pensionistët mund të tërheqin shpërblimin prej 5 mijë lekësh të dhënë nga qeveria me rastin e festave të fundvitit.

Shumë pensionistë nuk kanë vonuar dhe janë dyndur nëpër posta për të tërhequr shpërblimin duke krijuar grumbullime.

Në fotot e mëposhtme duket se nëpër posta është krijuar radhë e gjatë dhe grumbullime pensionistësh, edhe pse ndodhemi në një kohë pandemie dhe kjo grupmoshë është një ndër më të rrezikuarat.

Kreu i ISSH-së, Astrit Hado përmes një postimi në Facebook, ka treguar procedurat se si do të bëhet shpërndarja e këtij bonusi si dhe datat e ndara sipas kategorive. Ai ka bërë një kategorizim të pensionistëve në bazë të datave që ata tërheqin pensionin e tyre.

Grafiku i shpërndarjes së shpërblimit të pensionistëve për festat e fundvitit 2020
? në datën 21 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 1-2 dhjetor;
? në datën 22 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 3-4 dhjetor;
? në datën 23 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 7-8 dhjetor;
? në datën 24 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 9-10 dhjetor;
? në datën 25 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 11-14 dhjetor;
? në datën 26 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 15-16 dhjetor;
? në datën 28 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 17-18 dhjetor;
? në datat 29 ? 31 dhjetor do të tërheqin shpërblimin pensionistët që tërheqin pensionin në këtë datë dhe ata që nuk e kanë tërhequr pensionin në ditët e mëparshme të muajit;
? Shpërblimet e patërhequra në dhjetor paguhen përgjatë ditëve në vazhdim, me paraqitjen e përfituesit në sportele.