web counter
LEXO PA REKLAMA!

SHKARKO APP

App Store
Google Play

“Covid ka dalë nga kontrolli”/ Erion Dasho tregon si mund të zbulohen rastet e reja

31 Tetor 2020, 07:34, Aktualitet CNA

Eksperti i Shëndetit Publik Erion Dasho ka reaguar ashpër sa i përket situatës aktuale të shkaktuar nga Covid-19 dhe gjendjes së shëndetësisë në vend. Përmes një postimi në rrjetin social ai tha se qeveria duhet të importojë një prej testeve më të shpejta që përdoren në Europë dhe shitja e tyre të bëhet në farmaci.

?Në kushtet kur COVID ka dalë plotësisht nga kontrolli dhe po kërcënon jetën e qytetarëve, është kriminale që qytetarit shqiptar të mos i ofrohet MINIMUMI një test i shpejtë antigjenik me çmim të përballueshëm.  Më pak se 10 EURO kushton testi i shpejtë antigjenik në Europë! Në një status që publikova dje, u komentua se disa klinika në Tiranë e ofrojnë këtë test me çmimin spekulativ 10 mijë deri 15 mijë lekë të rinj!!! Me një normë fitimi një mijë përqind!!!

Më e pakta që mund të bëhet sot është autorizimi i importit të një prej testeve të shpejta që përdoren në Europë dhe lejimi i shitjes së tyre në farmaci.

Çdo qytetar mund t’a blejë privatisht testin dhe të paraqitet pranë mjekut të familjes për ta kryer atë! Kështu kursehen disa qindra Euro në rastin kur nevojitet testimi i gjithë familjes. Një thirrje për qeverinë shqiptare! Lehtësoni sado pak barrën financiare të epidemisë që u keni lënë në kurriz familjeve shqiptare! Kujtohuni se keni ardhur në pushtet me premtimin për një shëndetësi falas?, shkruan Erion Dasho. CNA.al/

 





Lajmet e fundit nga