E fundit!

12:59 Aktualitet

Protestat para Kryeministrisë/ Berisha: Mbështesim të drejtën e çdo qytetari për të protestuar

Kreu i PD-së, Sali Berisha, ka bërë të qartë edhe njëherë ...

Vendimi i ri, klubet e Superiores duan 5 lojtarë të huaj në fushë

23 Tetor 2020, 08:16, Sport CNA

Klubet kërkojnë që të ndryshohet rregulli i të huajve. Gjatë ditëve të fundit, ka pasur një tentativë nga disa ekipe të Kategorisë Superiore për të rritur numrin e ekstrakomunitarëve që lejohen në fushë. Pra 5, e jo më 4. E megjithatë, FSHF-ja duket e vendosur në këtë pikë dhe ka refuzuar.

?Qeveria? e futbollit shqiptar do që t?u japë përparësi elementëve vendës dhe sidomos të rinjve që dalin nga akademitë, ndaj është e prerë në këtë drejtim. Një tjetër arsye që i bën drejtuesit më të lartë të federatës sonë që t?i mëshojë këtij rregulli, lidhet me lojtarët që vijnë nga Kosova dhe Maqedonia e Veriut.

Ata nuk llogariten si të huaj në kampionatin tonë prej disa vitesh, çka u jep mundësi edhe skuadrave që të mos jenë fort të limituara në hartimin e formacionit. Jo më larg se një vit më parë, ekipet e elitës u bënë që të gjitha bashkë dhe depozituan zyrtarisht shkresë në Federatën Shqiptare të Futbollit për këtë çështje. Por, as atëherë nuk ia dolën. Në një nga mbledhjet që zhvilloi Komiteti Ekzekutiv, e refuzoi si kërkesë dhe për rrjedhojë në fushë vazhdojnë të lejohen vetëm 4 të huaj. Në fakt, u bënë disa sezone radhazi, që klubet kanë ngritur zërin për rritjen e numrit,

por këtë herë e shohin edhe më të domosdoshme prej pasojave të pandemisë dhe shtyrjes së vazhdueshme të sezonit të ri. Në një kohë që janë përforcuar në merkato me një mori të huajsh nga i gjithë globi, stafet teknike nuk duan që të jenë të kushtëzuara nga ky rregull dhe sidomos kur ngjeshja e ndeshjeve do të jetë e pashmangshme.

Nuk janë të pakta rastet kur klubet kanë ?manovruar? për të evituar këtë rregull dhe rastin konkret e kemi me Uinful Kobinah. Në fund të muajit gusht ganezi u pajis me pasaportë shqiptare dhe kjo do t?i japë mundësi Tiranës që të mos e ?vrasë? më mendjen për mesfushorin. Ai mund të shfrytëzohet në çdo moment prej Emanuel Egbosë, pasi zyrtarisht është shqiptar.