web counter
LEXO PA REKLAMA!

SHKARKO APP

App Store
Google Play

“Turp e faqja e zezë”/ “Shpërthen” ish-ministri i Ramës: Magazinë hashashi në mes të Tiranës

19 Maj 2020, 06:26, Politikë CNA

Ish-ministri i Drejtësisë në qeverinë ?Rama 1?, Ylli Manjani ka dalë hapur kundër projektit të ri të Teatrit Kombëtar.

Në një postim në rrjetet sociale, Manjani e cilëson të turpshme, atë që Rilindja propozon. Sipas Manjanit ajo që ofron propaganda ?talebane?, sikurse e cilëson ai Rilindjen, është një qendër polifunksionale, ku do ketë edhe Teatër.

?Ky projekti që ofron propaganda talebane për Teatrin e ri është i tmerrshëm!

Qendër polifunksionale, ku do ketë edhe teatër!!! Kështu thonë. Nuk e fshehin fare qëllimin për të bërë biznes.

Vizualisht atë moket, refuzoj ta pranoj si Teatër Kombëtar, sepse nga lart më ngjan si hidrovor komunist, ndërsa nga para duket si fabrikë e përpunimit të hashashit.

Turp e faqja e zezë!

Akoma pa larë duart nga krimi që bënë, nxitojnë të na fyejnë deri në palcë!?-shkruan Manjani.

Gjithashtu ish-ministri thekson se Teatri duhet rindërtuar sipas projektit italian, ndërsa shkruan se ?Duhet rindërtuar Teatri pa asnjë dyshim, por sipas projektit origjinal Italian e jo shpikjes korruptive talebane. Sigurisht me materiale të kohës që e bëjnë edhe më të fortë godinën sipas atij projekti.

Kjo është zgjidhja. Këtë bën e gjithë europa që i ruan me fanatizëm projektet dhe godinat e vjetra. Por këtë zgjidhje nuk e bëjnë dot talebanët,që sot kanë kundër jo vetëm shqiptarët, por edhe europianët.

Ndaj duhet refuzuar ajo magazinë hashashi që propozojnë në mes të Tiranës.?

Më tej, Manjani vijon akuzat ndaj qeverisë, dhe thekson së nuk duhet miratuar në heshtje ky monument korrupsioni.

?P.S. Në fakt ky pisllëk propagandistik, që kërkon të harrohet krimi i dhunës eksteme, nuk meriton koment sepse atë do propaganda. Por nga ana tjetër nuk mund të kalojë me “miratim në heshtje”, sepse është monument pisllëku;
monument korrupsioni;
monument hashashi…?-përfundon postimin e tij Manjani./ CNA.al





Lajmet e fundit nga