E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Gjermanët të mos ndërhyjnë në punët tona”/ Si liroi ish zv.ministri Çoba 4 hebrenjtë për 60.000 franga ari

27 Janar 2020, 15:42, Aktualitet CNA

Në periudhën e Luftës së Dytë Botërore, konkretisht në vitet 1939-1945, rreth 1800 shtetas të ndryshëm me origjinë hebraike erdhën në Shqipëri, por nuk iu dorëzuan autoriteteve pushtuese gjermane, ndryshe ngasa bënë disa shtete të tjera të Europës Lindore të pushtuara nga nazistët.

Disa dokumente të nxjerra nga Arkivi Qëndror i Shtetit në Tiranë dhe ai i Ministrisë së Punëve të Jashtme tregojnë qartë se si hebrenjtë u morën në mbrojtje nga qeveritarët e lartë të asaj kohe.

Një ndër zyrtarët e angazhuar personalisht është ish-zv.ministri i Punëve të Brendshme Engjëll Çoba, i cili në 2 maj të vitit 1944 ka marrë një letër nga Prefekti i Shkodrës Javer bej Hurshitit, ku informohet për arrestimin e 4 hebrenjve që ndodheshin në qytetin e Shkodrës nga nazistët gjermanë.

Pas kësaj, zv/ministri Çoba ka lajmëruar menjëherë Ministrinë e Punëve të Jashtme në Tiranë, e cila kishte dhe autoritetin e duhur ligjor për të kontaktuar me Komandën e Përgjithshme Gjermane në Shqipëri.

Ai i përcolli fjalë për fjalë njoftimin e Prefektit Hurshiti dhe në fund të letrës shkruajti: ?Prandaj lutemi të keni mirësinë me ndërmjetësue ku duhet që autoritetet ushtarake Gjermane të mos ndërhyjnë në punët e mbrendëshme t?onat, vetëm ndër raste qi kanë të bëjnë drejt për së drejti me ushtrinë Gjermane?.

Në dokumentat e publikuara nga Memoriel.al, thuhet se Ministria e Jashtme në Tiranë ka reaguar menjëherë pranë Komandës së Përgjithshme të Gjermanëve po në Tiranë, duke bërë të mundur lirimin e 4 hebrenjve.

Prefekti Hurshiti i dërgoi menjëherë një telegram, ish-zv.ministrit të Brendshëm, ku e informonte se më 4 maj të 1944-ës Komanda Gjermane në Shkodër i la të lirë katër hebrejtë, mbasi ata paguan gjobën prej 60.000 franga shqiptare.

Por duket se fakti që autoritetet shqiptare kanë paguar para për lirimin e hebrenjve nuk i ka pëlqyer Engjëll Çobës dhe i ka dërguar sërish një telegram Ministrisë së Punëve të Jashtme, ku kërkon që Autoritetet ushtarake gjermane të mos ndërhyjnë në punët e brendshme të shtetit shqiptar.

?Kemi nderin me ju informue se Prefektura e Shkodrës me telin shifër Nr. 191/2 res. d.5 vazhduesit na raporton se, Komanda Gjermane e atjeshme S.D. Hausding. Më datën 2 të k. m. ka arrestue 4 Ebrej prej Prishtine e me qindrim në Shkodër. Më datën 4 të k. m. mbasi u ka marrë një shumë prej gjashtëdhetmijë (60000) fr.shq. i ka lanë të lirë. Prandaj sa sipri lutemi të kini mirësinë me ndërmjetsue ku duhet qi Autoritetet ushtarake Gjermane të mos ndërhyjnë ndër punët e mbrendshme t?ona, vetëm ndër raste qi kan të bajnë drejtë për së drejti me ushtrin Gjermane?, theksohet në telegram./CNA.al