web counter
LEXO PA REKLAMA!

SHKARKO APP

App Store
Google Play

E fundit!

x

Zgjidhet anëtarja e 11 e KLP-së/ Kush është prokurorja që sfidoi Vladimir Marën

4 Tetor 2019, 11:33, Kronika CNA

Prokurorja Esmeralda Keshi është zgjedhur sot anëtare e Këshillit të Lartë të Prokurorisë.

Prokurorja Keshi mori 133 vota pro duke sfiduar prokurorin Vladimir Marën, i cili arriti të marrë 109 vota duke humbur kështu betejën me kandidaten tjetër.

Ajo zëvëndëson në këtë detyre Gentian Osmanin, i cili u shkarkua nga detyra nga Kolegji i Posacëm i Apelimit, pas anikimit të Komisionerit Publik.

Ky proces është mbikëqyrur edhe nga Kryeprokurorja e Përkohshme, Arta Marku.

Por, kush është Esmeralda Keshi.

Prokurorja Keshi nuk është emër i panjohur për publikun. Ajo është ish-drejtuesja e Komanduar e Prokurorisë së Dibrës dhe ka lidhje me përgjimet e dosjes 184, dosje e cila nga Prokuroria për Krime të Rënda është transferuar në Prokurorinë e Dibrës.

Esmeralda Keshi (Cami), është kunata e Arben Keshit, drejtorit të Ministrisë së Brendshme, i cili doli në përgjimet e prokurorisë i implikuar në pazarin e shit-blerjes së votave ne zgjedhjet e pjesshme të vitit 2016 që u mbajtën në Dibër.

Në përgjimet, të cilat u bënë publike nga gazeta gjermane BILD, Arben Keshi me Kryeministrin Rama, të cilit i jep llogari për komisionerët e PS-së në votime, me votuesit ku bën pazare për blerje votash, me drejtorin e arsimit në Dibër, të cilin e urdhëron që t?ju bëjë presion të gjithë mësuesve se nëse nuk votojnë për PS-në do të shkarkohen nga detyra.

Gjithashtu kunati i prokurores Keshi doli në përgjime duke biseduar me  Sali Skurën, Shef tek Komisariati i Policisë Nr.5 në Kamëz, të cilit i kërkon të ndalojë votuesit e PD-së që jetojnë në Kamëz, por që kanë ende të drejtë vote në Dibër si dhe me ish-Ministrin e Infrastrukturës Damian Gjiknuri i cili e lajmëron Keshin se po i dërgon tek shtabi disa ?tipa problematikë?, që t?i këtë për çdo rast?.

Pavarësisht këtyre rrethanave dosja u çua tek Esmeralda Keshi që ta shkatërronte plotësisht.

Pavarësisht këtyre rrethanave Esmeralda Keshi e kaloi Vettingun. Duket se lidhje me Rilindjes i ka vlejtur. Dhe njësoj si prokurori Klodjan Barho që klaoi Vettingun në këmbim të shkatërrimit të dosjes 184, edhe prokurorja Esmeralda Keshi e kaloi Vettingun, duke u hedhur poshtë problemet e konstatura.

Institucioni i Komisionerit Publik ende nuk ka reaguar në lidhje me Vettingun e Keshit./ CNA.al

Prokurorja e lidhur me bandën e vjedhjes së votave/ “Zgjohet” Këshilli i Lartë i Prokurorisë





Lajmet e fundit nga