web counter
LEXO PA REKLAMA!

SHKARKO APP

App Store
Google Play

Kontrolli në banesë “fundos” kryeplakun/ Ja çfarë gjeti policia

2 Tetor 2019, 10:52, Kronika CNA

Kryeplaku i fshatit Peshtan, në Maliq është arrestuar nga policia, pasi akuzohet për shpërdorim të detyrës.

Gjithashtu, mësohet se gjatë kontrollit në banesën e tij, policia ka gjetur dhe sekuestruar armë gjahu, të cilën e posedonte pa leje.

Sipas uniformave blu, ky shtetas dyshohet të ketë shpërdoruar detyrën pasi, gjatë kontrollit që shërbimet e Policisë kanë ushtruar në një zonë pyjore, në fshatin Peshtan, gjetën të kultivuara bimë të dyshuara narkotike.

Njoftimi i policisë:

Shpërdoroi detyrën dhe posedonte pa leje në banesë armë gjahu, arrestohet në flagrancë kryeplaku i fshatit Peshtan.

Shërbimet e Komisariatit të Policisë Maliq, bënë kapjen dhe arrestimin në flagrancë të shtetasit O.Ç, 55 vjeç, (me detyrë kryeplak i fshatit Peshtan, në Njësinë Administrative Moglicë).

Ky shtetas dyshohet të ketë shpërdoruar detyrën pasi, gjatë kontrollit që shërbimet e Policisë kanë ushtruar në një zonë pyjore, në fshatin Peshtan, gjetën të kultivuara bimë të dyshuara narkotike.

Gjithashtu gjatë kontrollit të ushtruar në banesën e kryeplakut, Policia gjeti dhe sekuestroi në cilësinë e provës materiale 1 armë gjahu çifte, të cilën e posedonte pa leje.

Nga ana e Policisë po punohet për vënien përpara përgjegjësisë ligjore të personave të tjerë, të dyshuar si të implikuar në këtë ngjarje.

Materialet i kaluan Prokurorisë pranë Gjykatës të Shkallës së Parë Korçë për veprime të mëtejshme hetimore.





Lajmet e fundit nga