E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shënim/ Pse hesht Basha për vrasjen e Ardit Gjoklajt

10 Shkurt 2019, 13:44, Aktualitet CNA

17-vjeçari Ardit Gjoklaj u gjet i vrarë në impiantin e ndërtimit të mbeturinave, në gusht të vitit 2016.

Përreth tre vite, familja e të riut dhe mbarë opinioni publik pritën drejtësi dhe pritën të shihnin pas hekurave vrasësit e Arditit.

Dhe vetëm një ditë më parë, mbarë opinioni publik është shokuar nga vendimi skandaloz i Gjykatës për vrasjen e Gjoklajt.

Sipas të njëjtit vendim, bazuar në të ashtuquajtura eskpertiza, Gjoklaj ishte vrarë jashtë landfillit të Sharrës. Sipas të njëjtit vendim, Kryebashkiaku Erion Veliaj, i cili garantonte siguri në impiantit e riciklimit të mbeturinave në Sharrë, nuk ka asnjë faj.

Instituti i Mjekësisë Ligjore në 2016-ën, dorëzoi në Prokurori autopsinë përfundimtare në lidhje me vdekjen e 17-vjeçarit Ardit Gjoklaj në landfillin e Sharrës. Ekspertiza mjekoligjore, e administruar si provë në dosje, konfirmonte vrasjen e të riut me fadromën.

Por, se çfarë ndodhi me këtë provë, askush s’di ta thotë.

Për më tepër, kur kanë kaluar 24 orë nga publikimi i vendimit skandaloz, kreu i PD-së Lulzim Basha hesht. Basha del dhe flet, shan e akuzon Qeverinë, të paktën këtë gjë bëri edhe sot, por pa thënë asnjë fjalë për Gjoklajn.

Në këtë fushatë që ai ka nisur akuza kryesore duhej të ishte pikërisht ky skandal, i cili më herët u mbyll nga ish-drejtuesi i Prokurorisë së Tiranës Petrit Fusha dhe vartësit e tij në bashkëpunim me Erion Veliajn.

Kryebashkiaku Erion Veliaj dhe prokurori Petrit Fusha, në kohën që organi i akuzës po hetonte vdekjen e Ardit Gjoklajt, u fotografuan duke drekuar së bashku në një nga restorantet e Tiranës.

CNA.al, publikoi foto ekskluzive, të drekës mes kryebashkiakut Veliaj dhe prokurorit Petrit Fusha dhe njëherësh dha alarmin për mbylljen e dosjes së Ardit Gjoklajt.

Takimi i tyre u mbajt në kohën kur prokurori Petrit Fusha ishte në krye të Prokurorisë Tiranës dhe mbylli dosjen e Erion Veliajt për Ardit Gjoklajn.Duket se Erion Veliaj tashmë e ka blerë edhe Bashën. Kunati i bën mirë llogaritë me këdo që është vërdallë dhe në këtë mënyrë, vrasjen e 17 vjeçarit Ardit Gjoklaj nuk e përmend askush dhe pas një vendimi final të Gjykatës./CNA.al