E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Aktorët të cilët i duam dhe i njohim përmes personazhit që kanë luajtur

10 Shkurt 2019, 20:00, Aktualitet CNA

Kinematografia shqiptare është e pasur me filma të cilët pa diskutim i kanë rezistuar kohës dhe vazhdojnë të shihen me nostalgji edhe sot. Edhe pse nga viti në vit dalin produksione të reja, sërish shqiptarët janë të prirur të duan më shumë ata të vjetrit. Na ndodh shpesh që edhe aktorët t?i identifikojmë pikërisht me rolin që kanë luajtur në film. Populli ndoshta nuk i mban mend emrat e tyre më shumë sesa mban mend rolin që ata kanë luajtur, madje i thërrasin ata në emrin e personazhit. Cuku, Flori, Polici, Betim Spërdhima e shumë të tjerë janë aktorët të cilët nëse i shohim në rrugë padyshim do t?i thërrisnim në këta emra.

Albert Vërria është një nga ikonat e kinematografisë shqiptare që numëron disa role të suksesshme. ?Kapedani? është një filmat më të dashur për publikun, me protagonist kapedanin që nuk donte femrat, një rol që i dha aktorit edhe emrin me të cilin e njohim të gjithë.

Violeta Manushi ka luajtur disa role në teatër dhe filma, megjithatë i gjithë publiku shqiptar e njeh si teta Ollga në filmat ?Zonja nga qyteti? dhe ?Shoqja nga fshati?. Shumë batuta të këtyre filmave ne edhe sot i përdorim.

Fadil Kujovska ka qenë një ndër aktorët më të mirë të komedisë, me batutat e të cilit të gjithë kemi qeshur pa fund. Besojmë se të gjithë ju e mbani mend Cukun e ?Dy herë mat?, një rol i cili la shenjë në karrierën e artistit të njohur, aq sa të gjithë e thërrisnin me atë emër.

Roland Trebicka ka qenë një nga aktorët që do të mbeten gjatë në vëmendjen e publikut. Shqiptarët kanë qeshur pa fund me batutat spontane të Rolandit ose, siç e njohim të gjithë, Jovan Bregu. ?Pallati 176? është komedia të cilën nuk ka shqiptar që nuk e ka parë e pa diskutim ?Jovan Bregu? një nga aktorët që do të kujtohet ndër breza.

Arben Derhemi është një nga aktorët më të dashur me një karrierë të gjatë në aktrim. Ai numëron disa role të suksesshme në teatër dhe kinematografi e një nga më të dashurit për publikun ka qenë ai i Florit në filmin ?Njerëz dhe fate?. Ky rol ka qenë një nga më të suksesshmit, aq sa shumë njerëz e njohin si Flori. E njëjta gjë vlen edhe për aktoren Arta Muçaj të cilin të gjithë e njohim si Didi.

Florjan Binaj prej vitesh është pjesë e programit të humorit ?Portokalli? dhe ndër aktorët më të pëlqyer. Në 13 vite pjesë e këtij emisioni, të gjithë e njohin si policin e ?Portokalli?-së, roli i tij kryesor. Ai ka luajtur disa personazhe të tjera, por ky do të mbetet gjithnjë i preferuari i publikut.

Ervina Kotolloshi ka vite që është larguar nga spektakli i humorit ?Portokalli?, por publiku vështirë se e harron rolin e saj si Ponja. Nëse ne themi emrin e saj shumica e publikut nuk do e njohë, ndërsa nëse themi Ponja e ?Portokalli?-së menjëherë nis reagimi.

Të gjithë e njohim si Betim Spërdhima, edhe pse emri i tij i vërtetë është Rezart Veleshnja. Betimi është një nga personazhet më të suksesshme të programit të humorit e besojmë se Rezarti nuk e ka problem që t?i thërrasin me këtë emër.