web counter
LEXO PA REKLAMA!

SHKARKO APP

App Store
Google Play

Prokurori amerikano-shqiptar tregon prapaskenat e anti SPAK

10 Shkurt 2019, 18:39, Aktualitet CNA

Prokurori amerikan Gjon Juncaj i cili është me origjinë shqiptare në një intervistë në emisionin ?31 Minuta? ka folur rreth krijimit të SPAK dhe Byrosë Kombëtare të Hetimit.

Sipas tij ata do t?i kundërvihen korrupsionit të nivelit të lartë edhe krimit të organizuar.

?Sigurisht që duhet të mbajmë parasysh se Struktura e Posaçme Antikorrupsion, Byroja Kombëtare e Hetimit, Prokuroria e Posaçme përparësia kryesore e këtyre institucioneve jetike është që t?i kundërvihen korrupsionit, sidomos korrupsionit në nivelin e lartë dhe krimin e organizuar. Dhe të gjithë ata persona që do të preken do të bëjnë gjithçka që munden për ta penguar përparimin e reformës, përfshi këtu edhe njerëz që janë duke e mbështetur publikisht, por që në prapaskenë kanë plane të tjera?,-është shprehur Juncaj.

Më tej ai tha se Reforma në Drejtësi është një tren që vetëm ecën përpara tashmë. Ai gjithashtu garantoi mbështetjen e SHBA për përmbylljen me sukses të Reformës në Drejtësi.

?Megjithatë, jam i bindur se prapëseprapë reforma në drejtësi do të ecë përpara. Ai tren tashmë ecën përpara. Mund t?iu them dhe garantoj se Shtetet e Bashkuar të Amerikës do të mbeten të përkushtuara ndaj atij misioni, që është përmbyllja me sukses e reformës në drejtësi. Ambasada e SHBA-së nuk u largua bashkë me ambasadorin Donald Lu. Ky është një prioritet i Shteteve të Bashkuar të Amerikës. Ne do të trajnojmë, këshillojmë dhe do të mbështesim, madje edhe do të vëzhgojmë gjatë gjithë rrugës lidhur me Strukturën e Posaçme Antikorrupsion dhe Byronë Kombëtare të Hetimit?,-tha ndër të tjera Juncaj./CNA.al





Lajmet e fundit nga