Përdhunimi i të miturës në Kavajë/ Avokati zbulon shkeljet penale

10 Shkurt 2019, 20:15, Aktualitet CNA

Avokat Stefan Topalli në një postim në rrjetet sociale ka reaguar për ngjarjen e Kavajës, ku një vajzë e mitur u përdhunua nga tetë bashkëmoshatarë të saj.

Sipas tij, në këtë ngjarje, vepër penale është neglizhimi i çështjes nga instancat përkatëse, vepër penale është publikimi i imazheve të familjarëve, që futet tek nxjerrja e sekretit hetimor.

Më tej ai ka treguar anët negative të publikimit të imazheve, që mund të influencojnë tek organet kompetente në dëmtimin e provave dhe më tej deri në një akt vetvrasjeje.

Avokati ka kërkuar trajnimin dhe largimin e viktimës nga vendi i ngjarjes.

?Disa fjalë për dramën e Kavajës

Pikë së pari, është një dramë familjare, shoqërore e pastaj mediatike e fare po fare politike.

Përdhunohet një fëmijë, femër, përjeton tmerrin më çnjerzor që mund të ketë një njëri (sidomos I asaj moshe) dhe këtu i majtë, i djathtë, i mesëm a ku ta di, janë të gjithë BESOJ dakort.

Fakti tjetër që një vepër penale (sidomos kjo ngjarje), fshihet apo nuk hetohet apo më e keqja, lihet pas dore, kjo është një vepër tjetër penale nga përgjegjësit përkatës. Ka pasur vonesa, fshehje apo elementë të tjerë të veprës penale të shpërdorimit të detyrës, i takon Organit të Akuzës kompetente të marrë masa.

Pikë së dyti, unë (dhe shumë si unë ma besoni), mendoj se zbulimi i identitetit të viktimës (këtë rast prindërve të vajzës sepse ajo është vetëm 13 vjeçe) në mënyrë vizive apo e thënë ndryshe dalja para mediave për ta përdorur si korrje fitoreje fatkeqësinë e tjetrit (kur masat e sigurimit janë dhënë PA PRANINË E MEDIAVE), mendoj se përbën një element tjetër të veprës penale që quhet nxjerrja e sekretit hetimor, në vete vepër penale. Nuk dua të analizoj dorëheqje apo falje apo gjëra të tjera sipërfaqësore për të tjerët që e bëjnë këtë gjë, ama mendoj se duhet të fillohet një hetim në lidhje me këtë problem. Subjektet proceduriale nuk dalin publikë nga njëra apo tjetra forcë politike, dhe jo vetëm sepse:

Pikë së treti, që është gjëja më e rëndësishme në këto momente, mendoj dhe duhet të jetë sigurimi dhe trajnimi në mënyrë urgjente i viktimës (të miturës) që të marrë veten dhe duhet shpërngulja njëherë e përgjithmonë nga ai vend ku ka ndodhur krimi për ti krijuar mundësi që të rifillojë një jetë (shumë e vështirë) në mënyrë të tillë që të mund të hedhë pas krahëve (fjalë goje kjo) dramën që i ka ngjarë?,-shkruan Topalli./CNA.al