web counter
LEXO PA REKLAMA!

SHKARKO APP

App Store
Google Play

E fundit!

x

Arben Ahmetaj, avokati i Lulzim Bashës

11 Tetor 2018, 10:28, Aktualitet CNA

Që Lulzim Basha është ortaku i Edi Ramës, dhe që ky i fundit e shpërblen atë, e ndihmon dhe e mban në krah, apo i vendos shkopinj për ta mbajtur në këmbë si kryetar të Partisë Demokratike, kjo nuk ka më asnjë dyshim.

Që të dy janë pjesë e lëvizjes së Soros dhe janë financuar prej tij dhe kjo nuk ka më asnjë diskutim, pasi janë bërë publike me dhjetëra e dhjetëra detaje.

Më tej, le të verifikojmë fakte dhe të dhëna të fundit. A vazhdon marrëveshja Rama-Basha, e filluar me 17n maj, rreth një vit e gjysëm më parë.

Së fundi, CNA.al publikoi një dosje të plotë nga burimet e saj në lidhje me xhirot dhe të ardhurat që realizonin firmat e kunatit të Lulzim Bashës, Erjon Isufit. Subjekte ku punon dhe drejton Aurela Basha, bashkëshortja e kryetarit të PD-së.

Një kompani që ne investiguam pas deklaratave të filluara në muajin janar nga kreu i PD-së se biznesi po falimentonte dhe se mijëra e mijëra subjekte tregtare po mbylleshin. Xhiroja kishte rënë dhe kishte problematika, të cilat vinin për shkak të krizës dhe luftës që sipas Lulzim Bashës, bënte qeveria ndaj biznesit.

Nga verifikimet tona dhe nga të dhënat zyrtare rezultoi se kompanitë e kunatit të Lulzim Bashës, në kohën e qeverisjes së Rilindjes dhe të Partisë Socialiste vetëm ishin shtuar. Madje në janar ishte hapur një e re. Pra, në të kundërt të asaj çfarë thoshte Lulzim Basha se biznesi falimentonte, gjë të cilën ne e pranonim dhe e quanim të vërtetë, rezultonte se kunati i tij shtonte bizneset.  Pra, ishte kundër rrymës, kundër krizës ekonomike që pretendonte vetë kreu i PD-së.

Më tej, nga verifikimet rezultoi diçka e çuditshme. Kompanitë e kunatit të Lulzim Bashës kishin dy dhe tre-fishuar xhiron, me ardhjen e Rilindjes në pushtet. Në vitin e kaluar kishin rreth 2 miliardë lekë xhiro dhe këtë vit po aq ishte targeti i dukshëm, me rreth një milliard lekë xhiro deri në muajin gusht.

Por, ajo që ishte ndryshe është fakti se ndërkohë që xhiroja tre-fishohej, ulej fitimi. Deklarohej më pak fitim. Pra, paguheshin më pak taksa në shtet. Dhe ishin të gjitha dyshimet dhe të gjitha gjasat që kjo të ishte një kompani me evasion fiskal, pasi vetë kompania ?Landmark Communication? priste fatura për kompani të tjera si ?Landmark Premium Print?,  ?BlackSheep?.  etj, çka ngrinte dyshime të forta për evazion fiskal, por sapo CNA.al e denoncoi, flamurin e rrëmbeu Partia Socialiste. Zhvilloi dy konferenca shtypi, për ta kthyer çështjen në politikë dhe më pas e la. Gjithçka u harrua.

Tani filloi ?Babalja?. Skenari ?Babale 1?, skenari ?Babale 2?, mund të ketë 3 dhe 4.  Sa herë të dalin pasuritë dhe problemet e Lulzim Bashës do të ketë ?Babale? të rinj.

Ne gjithashtu vazhduam dhe me publikimin e dosjes së plotë të vjehrri dhe lejeve të ndërtimit të marrë nga klientela afër Lulzim Bashës, disa leje ndërtimi të firmosura edhe prej tij. Por, nuk pati asnjë hetim, asnjë dosje nuk u hap.

Ndërsa në rastin e parë, atë të evazionit të mundshëm të dyshuar, pasi ai vërtetohet vetëm nëse do të ketë një kontroll të plotë nga tatimet, nga inspektorët e përgjegjshëm. Por, në fakt nuk ndodhi asgjë. Ministri i Financave, Arben Ahmetaj nuk lëvizi asgjë. Drejtoria e Tatimeve nuk filloi asnjë kontroll. Nuk u bë të paktën një verifikim, qoftë ky nga zyrat e tatimeve, pa folur pastaj për të çuar inspektorë, për të hapur dosjet dhe për të kontrolluar, një subjekt me rreth 2 miliardë lekë xhiro.

E në këtë rast Lulzim Basha ka të drejtë. Ai flet ditë e natë për biznesin e vogël që po falimenton, ku çdo ditë shkojnë tatimet dhe i kontrollojnë deri edhe qindarkën e fundit, ndërsa biznesin e kunatit të Lulzim Bashës me miliarda lekë xhiro nuk e kontrollon askush.

Arben Ahmetaj bën sikur nuk shikon, sikur nuk dëgjon dhe është kthyer në avokatin e Lulzim Bashës. Në avokatin e pasurisë së tij, bashkë me tatimet, institucionin që ka përgjegjësinë për ta kontrolluar e të gjithë heshtin. Askush nuk shkon të kontrollojë pasuritë e Erjon Isufit. Askush nuk shkon të kontrollojë xhirot e biznesit të kunatit të Lulzim Bashës. Si janë vendosur ato? Si janë realizuar ato? Sa është fitimi?

E pra, duket e qartë se dy çunat e Soros, Lulzimi dhe Edi, e kanë marrëveshjen e tyre, e kanë biznesin e tyre.

Në rregull kanë partitë e tyre. Njëri në qeveri, e tjetri në opozitë, e kur Luli ka hall telefonon Edin, e kur kunati i Lulit ka hall nuk e kontrollon Arben Ahmetaj, për më tepër nuk kemi se çfarë të themi. Mund të denoncojnë shqiptarët çdo ditë problematika, pasuri, evazion fiskal për njëmijë e një njerëz, për të gjithë mund të ketë kontrolle. Mund të denoncojnë edhe te ?Shqipëria që duam?, aty ku i pëlqen kryeministrit. Për të gjithë lëvizin, menjëherë reagohet. Bëhen takime publike, konferenca, deklarime, qëndrime, kurse kur reagon media me prova dhe dokumente dhe flitet për kunatin e Lulzim Bashës, nuk ka asnjë reagim. Nuk kontrollojnë Tatimet sepse Arben Ahmetaj tashmë është kthyer në avokatin e Lulzim Bashës./ CNA.al

Zbulohen oligarkët e Lulzim Bashës?!/ Miliarda lekë në bizneset e kunatit

Denoncoi falimentimin e bizneseve/ Kunati i Bashës lulëzon

Zbulohen 6 biznese të kunatit të Lulzim Bashës/ I fundit u hap 6 ditë më parë

Kompanitë e familjarëve të Bashës 2 miliardë lekë xhiro, deklarojnë fitime thërrimet/ Evazion fiskal qindra milonë lekë?!

A do t?i kontrollojnë tatimet kompanitë me miliona dollarë të Lulzim Bashës ?!





Lajmet e fundit nga